Portada Educación Santiago García Granda abre esti martes la carrera al Rectoráu de la Universidá d’Uviéu

Santiago García Granda abre esti martes la carrera al Rectoráu de la Universidá d’Uviéu

by redacción asturnews
Presentación de la Candidatura de Santiago García Granda

Esta mañana presentaba la so candidatura al rectoráu de la Universidá d’Uviéu Santiago García Granda, “tres munchos meses de visites recoyendo y confrontando idees pa proponer un programa modernu, renovador, que sigue l’estilu amosáu nos mios años de vicerrector y que nun vos va a defraudar”. García Granda yera’l primeru de los cuatro candidatos qu’anunciaren presentase al Rectoráu, como tamién foi’l primeru en presentar les sos propuestes alrodiu del asturianu la selmana pasada.

Esti martes, a les 10,15 hores,  presentaba la so candidatura al rectoráu de la Universidá d’Uviéu Santiago García Granda, “tres munchos meses de visites recoyendo y confrontando idees pa proponer un programa modernu, renovador, que sigue l’estilu amosáu nos mios años de vicerrector y que nun vos va a defraudar. Miramos al futuru, ensin escaecer d’ónde venimos, apostando pol talentu y pol trabayu n’equipu”

Fízolo acompañáu de dellos miembros representativos de les distintes arees de conocencia y colectivos de la institución destacando que “toos ellos representen a la perfección lo meyor de la nuesa universidá, según el conxuntu de los valores colos que deseyo dar impulsu a la campaña: esperiencia, mocedá, paridá, ímpetu, enerxía y espíritu d’equipu, al empar que proximidá, empatía, diálogu y participación”. Concretamente, acompañaben al candidatu Rafael González Ayestarán (Profesor Titular de Teoría de la Señal y Comunicaciones), Munia Braña (Estudiante de Grau, Facultá de Bioloxía), Covi Carbajal (Personal d’Alministración y Servicios, Unidá de Medios Audiovisuales), Serafín Costilla (Profesor Titular venceyáu de Radioloxía y Medicina Física), Ramón Gruesu (Catedráticu d’Universidá d’Ecoloxía), Blanca Pérez Gladish (Profesora Titular d’Economía Financiera y Contabilidá), Isabel Ruiz de la Peña (Profesora Titular d’Hestoria del Arte)

Según desplicó a los medios tres de la presentación, “el nuevu Rector de la Universidá d’Uviéu tien de cuntar cola esperiencia necesaria na xestión universitaria recién y el tiempu necesariu pa protagonizar, directa o indirectamente, una estratexa universitaria a 10 años. Pa rindir cuentes demientres y a la fin del so mandatu y responder de los compromisos electorales adquiríos. voi presentame con un modestu, anque recién, bagaxe d’esperiencia en xestión universitaria: miembru del Conseyu de Gobiernu (Xunta de Gobiernu nel so momentu), Claustru, Secretariu de Departamentu, Vicedecano de la Facultá, Vicerrector d’Investigación y Secretariu Executivu de la Comisión I+D+i de la Conferencia de Rectores de la Universidaes Españoles (CRUE). Esta esperiencia en xestión universitaria ye la que me dexa apurrir una visión práctico y estratéxico de l’actividá académica ya investigadora y del papel que tien de representar la universidá del futuru”.

Esti martes día 15,  nel Rexistru Xeneral de la Universidá (na see de la Procuradoría Xeneral del Principáu d’Asturies, Plaza de Riego, 6) tamién taba previsto que presentara la so candidatura depués de Santiago García Granda, el catedrátiu de Psicología José Muñiz y a lo llargo de la mañana tenía anunciao de facelo’l químicu Agustín Costa, quedando palo postrero el catedráticu de BioQuímica Pedro Sánchez Lazo.

Tamién te podria gustar