Santiago Calatrava recibe’l Premiu Européu d’Arquitectura

L’inxenieru y arquiteutu valencianu Santiago Calatrava foi reconocíu col Premiu Européu d’Arquitectura 2015, galardón qu’otorga’l Centru Européu d’Arquitectura, Artes, Diseñu y Estudios Urbanos.

Tratase del más prestixosa reconocencia de los que se conceden nel continente a aquellos arquiteutos qu’abanderaron a lo llargo de la so trayectoria una arquitectura fondamente humana y dirixieron la so obra escontra’l compromisu colos principios del humanismu européu”, sigún informaba l’estudiu del autor nun comunicáu.

En declaraciones del presidente del Atenéu de Chicago, Narkiewicz-Laine, citaes pol estudiu del arquiteutu español, Calatrava ye “un teóricu visionariu, un filósofu y un utópicu, amás d’un verdaderu artista n’inxeniería y nel espresionismu arquitectónicu“, y los sos edificios “son obres d’arte de gran algame que fueron inspiraes por una mano dotada de maestría y esculpíes pol meyor güeyu críticu”. “Son obres inmensamente evocadores y fiero intelectuales”, añede.

Nel fallu del premiu, dambes instituciones tuvieron en cuenta tola carrera del arquiteutu, destacando dalgunes de les sos obres como la Estación de Ferrocarril de Stadelholfen, en Zúrich; la ponte Bac de Roda, en Barcelona, que supunxo l’entamu de la so reconocencia internacional; la Ponte de la Paz de Calgary, en Canadá; el Muséu d’Arte de Milwaukee; la Facultá d’Innovación, Ciencia y Tecnoloxía de la Universidá de Florida; o la Ciudá de les Artes y les Ciencies de Valencia.