Sánchez Dragó: “Por más que s’empeñen los d’arriba l’asturianu ye namás un dialectu”

06 ochobre 03:52 2009 Imprimir

L’escritor y presentador de televisión Sánchez Drago visita Asturies estos díes pola mor de la so participación nel xuráu del Premiu Príncipe d’Asturies de les lletres, y aprovechó la visita pa echar contra l’asturianu nuna alcuentru dixital colos llectores de La Nueva España.

Énte la pregunta d’un llector sobre la necesidá o non d’oficializar l’asturianu, l’escritor contestó rotundu: “Non, Los idiomes ñacen d’abaxo a arriba, non d’arriba p’abaxo. Y l’asturianu, por más que s’empeñen los d’arriba ye namás un dialectu”.

Según l’autor “Esta afirmación va traeme dolores de tiesta. Siénto”. Y xustificó “Estudié filoloxía”.

L’autor recordó que nos sos estudios deprendió que “N’España hai namás cuatro llingües: castellán, catalán, gallegu y vascuenciu”.

Dragó echó tamién escontra los premios institucionales, magar de que participa nel xuráu de los Premios Príncipe, y encamentó a estos gallardones “permanecer xordos al clamor mediáticu y nun premiar por sistema a quien anden encaramaos na cresta de la fola d’esi clamor”.

L’autor reafirmóse amás nes declaraciones que ficiera va tiempu nes qu’afirmare “nun toi abondo enfiláu como pa cantar l’asturies, patria querida”, comentando que dientro de lo que de noma “borrachera ibérica”, hai delles fases “consistiendo la última en cantar “Asturias patria querida”, lo que según l’autor “ye un homenaxe ensin voluntá d’ofiensa”.

  Categories:
Loading Facebook Comments ...