ConceyosFiestes San Mateo va tener 10 díes de fiesta con un aforru de 400.000 euros by redacción asturnews 8 d'agostu, 2016 written by redacción asturnews 8 d'agostu, 2016 122 Con un presupuestu total de 1.045.128 euros frente a los 1.414.900 euros de 2015, esti 2016 les principales actuaciones musicales van concentrase na plaza de la Catedral y va haber conciertos n’El Bombé, la plaza del Paragües y Feijoo. Les fiestes de San Mateo de 2016, del 16 al 25 de setiembre, van cuntar con un presupuestu total de 1.045.128 euros, lo que supon un aforru d’unos 400.000 euros al respective de los 1.414.900 euros conseñaos a les fiestes mateínes del añu pasáu. “Van Ser unes fiestes por y pal pueblu d’Uviéu y d’Asturies”, asegura’l conceyal de Festexos, Roberto Sánchez Ramos. Los caxés de los artistes van suponer un gastu de 518.935 euros, el mayor desembolsu de los festexos. Sígue-y n’inversión el desfile del Día d’América n’Asturies, con 152.000 euros, qu’anguaño va incluyir un homenaxe al Camín Primitivu a Santiago. El Concursu de Rock que modifica’l nome pasando a llamase Concursu de Rock “Alejandro Escayu” (baxista d’Illegales fináu), tien un presupuestu de 39.000 euros, amás van destinase 26.900 pa les orquestes del paséu del Bombé, y 20.000 pa la plaza del Paragües, escenariu que la so programación va incluyir actuaciones en pequenu formatu d’artistes asturianos. Pa los tradicionales Fueos artificiales, la SOF va destinar al montaxe pirodigital 36.000 euros del presupuestu. La plaza de la Catedral va acoyer la mayoría d’actuaciones. El vienres 16 van arrincar les fiestes con Jerónimo Granda –acompañáu de la Banda de Música Ciudá d’Uviéu, la Banda Sinfónica Infantil y Xuvenil del Principáu-, Diana Navarro y Macacu. Al otru día tán previstes les actuaciones de Santiago Auserón cola Orquesta Uviéu Filarmonía, Truequedart y Pedrete & Tarántula y el domingu 18, Chus Pedro y Pipo Priendes, Bombu Infiernu y Morat. El llunes van xubir a les tables Carlos Nuñez cola Banda de Gaites Ciudad d’Uviéu, Jackson Browne & Raúl Rodríguez y Peatbog Faeries. El martes, 20 de setiembre, va ser la nueche homenaxe al tinu Casal con Los Secretos, Loquillo y Grupu Assia. El miércoles van actuar, na plaza de la Catedral, Paula Rojo, Pitingo y Rabasera. El xueves 22 tocará-y el turno Alberto & García, Los Chikos del Maíz y Carlos Jean y el vienres 23, Synexthesia, Sweet California y el Langui. El sábadu va ser la vez de Texedor, Warcry cola Orquesta Uviéu Filarmonía y Tom Swoon. Va Cerrar la fiesta, el día 2, la final del Festiamas. 0 FacebookTwitterPinterestEmail Anterior Mac Crimmon. Festival de Lorient 2016 siguiente El XXII Festival de la Cerveza celebrase del 9 al 15 d’agostu en La Esposición Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...