Portada Educación Samuel Armes imparte un cursu monográficu intensivu de pintura

Samuel Armes imparte un cursu monográficu intensivu de pintura

by redacción asturnews

Esti vienres inaugurábase na Factoría Cultural d’Avilés el Cursu monográficu intensivu de pintura qu’imparte l’artista local Samuel Armes, dende esti vienres primeru de xunetu al día 15.

Los horarios van ser de llunes a vienres, de 10 de la mañana a una de la tarde, con un total de 33 hores lectives. L’oxetivu del intensivu ye tratar d’aunir los fundamentos de los llinguaxes pictóricos nun camín artísticu desenvueltu al traviés d’estos. Esta propuesta d’enseñanza basase n’averar al alumnu la esperiencia d’un viaxe pictóricu nel que pretenderá ameyorase l’entendimientu del procesu pictóricu, tantu a nivel de conceutu como de técnica.

La metodoloxía de trabayu centrase nel desenvolvimientu d’aspeutos teóricos y prácticos no que se correspuende a dibuxu y pintura. Les actitúes que tresmite’l cursu al alumnu tomen un rangu empobináu tantu que va tantu al empecipiáu como al principiante, yá que amás de siguir una llínea directa, cada alumnu va llograr diverses conocencies específiques que va poder asimilar pa la so producción personal. El llugar de trabayu va ser tantu nes instalaciones de la factoría Cultural d’Avilés, como nos esteriores de la ciudá.

Armes, col so proyectu ‘Sinestesia al relente’, foi unu de los 7 artistes que llograron les primeres ayudes a la creación de la Fundación Municipal de Cultura, concedíes l’añu pasáu. Estes ayudes teníen como destino la realización de distintos proyectos artísticos y l’usu temporal del espaciu y de les infraestructures de la Factoría Cultural d’Avilés.

 

Tamién te podria gustar