Sambre, Movie Jack y Misiva toquen el sábadu nel Savoy

by asturnet | junio 2, 2010 8:25 am

[1]

Esti sábadu, 5 de xunu, na sala Savoy de Xixón, y de magar les nueve la nueche, el grupu de punkrock-folk Sambre tará presentando nesta ciudá los temes del so nuevu trabayu discográficu “Na Solombra”. Van tar acompañaos de los músicos de Grau, Misiva, que van aprovechar la ocasión pa adelantar dellos temes del discu que tán a piques d’asoleyar. Amás, Movie Jack, dende Uviéu, van traer los sos soníos glam a la nueche xixonesa.

Sambre ye’l nuevu grupu de referéncia na escena de Rock folk n’asturianu, descata polos sos soníos puros y la so actitú nel escenariu. Na seronda de 2009 publiquen el so primer discu, “Na solombra”. Hasta la grabación d’esti discu participaron nel discu de versiones de Dixebra “Perversiones” col tema “Asturcón” y nel recopilatoriu “Calzada News vol. 2″ con “Atravesáu pelos chigres”.

Misiva surde como un proyectu musical punk rock directu, potente y reivindicativu, que pretende “facer música sinón tamién cuestionar, transgredir, convertir les sos moliciones en cantares pa llegar a tola xente que sía posible”. Nel añu 2010, y gracies al bon trabayu, fueron finalistes de la XIV edición de los Premios de la Música de l’Academia de les Artes y les Ciencies de la Música, na categoría de Meyor cantar n’Asturianu, y finalistes del Premiu al Meyor Cantar 2010 de la Conseyería de Cultura y Turismu del Principáu d’Asturies.

Endnotes:
  1. [Image]: http://asturnews.com/bancofotos/fotos/2/4889.jpg

Source URL: http://asturnews.com/sambre-movie-jack-y-misiva-toquen-el-sabadu-nel-savoy/