Samartín del Pinchu ufre esti mes 32 propuestes d’autor

14 ochobre 18:22 2015 Imprimir

Dende´l vienres 16 al domingu 18 ufiértense pinchos y tapes a dos euros en 32 establecimientos hosteleros de Samartín del Rei Aurelio col asturianu como llingua vehicular.Como tolos años por estés feches, celébrase na cuenca del Nalón “Samartín del Pinchu” un eventu gastronómicu cola llingua asturiana como protagonista, porque ECOSAM utiliza l´asturianu en tolos eventos gastronómicos que entama al cabu l´añu, cuntando col asesoramientu de la Oficina de Normalización Llingüística de Samartín del Rei Aurelio.

El conceyu de Samartín quier ser otra vuelta’l destín de cientos d´asturianos esta fin de selmana, ya que van tener un bon motivu pa dase una vuelta por esti conceyu mineru y facer fonda. El vienres día 16 de ochobre da aniciu la sesta edición del concursu de pinchos y tapes del conceyu, nomáu SAMARTÍN DEL PINCHU. Por espaciu de tres xornaes 32 establecimientos hosteleros participantes ufiertarán unes prestoses creaciones culinaries al preciu únicu de dos euros. Pa pasar una mañana o una tarde prestosa faciendo ruta gastronómica por Sotrondio, Blimea y L´Entregu, como asoleyen na nota de prensa qu’espublizaran esta selmana.

Esti concursu gastronómicu ta entamáu por ECOSAM, asociación d’empresarios y comerciantes del conceyu y lleva ya dos años superando los 11.000 pinchos vendíos. Amás ye ún eventu gastronómicu que utiliza l´asturianu como llingua vehicular na información del mesmu, tanto na cartelería como nos 4.000 gastromapes repartíos. Nesti sen, ECOSAM cuenta col asesoramientu de la Oficina de Política Llingüística de Samartín del Rei Aurelio.

Pa facilitar el desplazamientu, la localización y la información de los pinchos esistentes nos gastrobares, cafés y sidreríes participantes editáronse 4.000 “gastromapes”. Amás subióse tola información tantu a Facebook (www.facebook.com/comerciodesanmartin) como l´apartáu de noticies de la web de ECOSAM (www.ecosam.es/blog), ónde ún pue descargase el propiu gastromapa en pdf.

 

Loading Facebook Comments ...