Portada Comunicación “Samartín del Pinchu” cumple 10 años de compromisu pa cola llingua asturiana

“Samartín del Pinchu” cumple 10 años de compromisu pa cola llingua asturiana

by redacción asturnews

La 10ª edición de “Samartín del Pinchu”, un eventu gastronómicu cola llingua asturiana como protagonista, vuelve a la cuenca del Nalón esta fin de selmana.  ECOSAM utiliza l´asturianu en tolos eventos gastronómicos que entama al cabu l’añu, cuntando toos estos años d´atrás col asesoramientu de l´Oficina de Normalización Llingüística de Samartín del Rei Aurelio.

Dende´l vienres 18 al domingu 20 d´ochobre ufiértense pinchos y tapes nos establecimientos hosteleros de Samartín del Rei Aurelio  cola 10ª edición de “Samartín del Pinchu”, un eventu gastronómicu que vieno asoleyando dende la so primer edición el so compromisu pa cola llingua asturiana.

El conceyu de Samartín del Rei Aurelio otra vegada más quier ser el destín de cientos d´asturianos el prósimu fin de selmana, ya que van tener un bon motivu pa dase una vuelta por esti conceyu mineru y facer fonda. El vienres 18 d´ochobre aniciase la décima edición del concursu de pinchos y tapes del conceyu, nomáu SAMARTÍN DEL PINCHU. Por espaciu de tres xornaes los establecimientos hosteleros participantes ufiertarán unes prestoses creaciones culinaries al preciu únicu de dos euros y mediu. Pa pasar una mañana o una tarde prestosa faciendo ruta gastronómica por Sotrondio, Blimea y L´Entregu.

Esti concursu gastronómicu ta entamáu por ECOSAM, asociación d’empresarios y comerciantes del conceyu y cunta col sofitu de Sidra L´Allume y del Aytu Samartín. Amás ye ún eventu gastronómicu que utiliza l´asturianu como llingua vehicular na información del mesmu, tanto na cartelería como nos gastromapes repartíos. Nesti sen, ECOSAM tuvo cuntando col asesoramientu de la Oficina de Política Llingüística de Samartín del Rei Aurelio tolos años pasaos.

Pa facilitar el desplazamientu, la llocalización y l´información de los pinchos esistentes nos gastrobares, cafés y sidreríes participantes editáronse 2.000 “gastromapes”. Amás subirase estos díes tola información tantu a Facebook como l´apartáu de noticies de la web d´ECOSAM (www.ecosam.es/blog), ónde ún pue descargase el propiu gastromapa en pdf.

Tamién te podria gustar