“Samartín del Pinchu”: 9 años de compromisu cola llingua y la cocina d´autor

19 ochobre 13:53 2018 Imprimir

Dende esti vienres 19 al domingu 21 d´ochobre ufiértense pinchos y tapes nos establecimientos hosteleros de Samartín del Rei Aurelio na que ye la 9ª edición de “Samartín del Pinchu”, 9 años de compromisu cola llingua y la cocina d´autor.

El conceyu de Samartín del Rei Aurelio otra vegada más quier ser el destín de cientos d´asturianos esti prósimu fin de selmana, ya que van tener un bon motivu pa dase una vuelta por esti conceyu mineru y facer fonda. Esti vienres 19 d´ochobre aniciase la novena edición del concursu de pinchos y tapes del conceyu, nomáu SAMARTÍN DEL PINCHU. Por espaciu de tres xornaes los establecimientos hosteleros participantes ufiertarán unes prestoses creaciones culinaries al preciu únicu de dos euros y mediu. Pa pasar una mañana o una tarde prestosa faciendo ruta gastronómica por Sotrondio, Blimea y L´Entregu.

Esti concursu gastronómicu ta entamáu por ECOSAM, asociación d’empresarios y comerciantes del conceyu. Amás ye ún eventu gastronómicu que utiliza l´asturianu como llingua vehicular na información del mesmu, tanto na cartelería como nos gastromapes repartíos. Nesti sen, ECOSAM tuvo cuntando col asesoramientu de la Oficina de Política Llingüística de Samartín del Rei Aurelio tolos años pasaos.

Pa facilitar el desplazamientu, la llocalización y l´información de los pinchos esistentes nos gastrobares, cafés y sidreríes participantes editáronse 3.000 “gastromapes”. Amás subirase estos díes tola información tantu a Facebook como l´apartáu de noticies de la web d´ECOSAM (www.ecosam.es/blog), ónde ún pue descargase el propiu gastromapa en pdf.

Loading Facebook Comments ...