ConceyosGastronomíaSociedá “Samartín de les Tortielles”: un eventu gastronómicu cola llingua como protagonista by redacción asturnews 1 de marzu, 2016 written by redacción asturnews 1 de marzu, 2016 74 Un total 29 establecimientos hosteleros del conceyu de Samartín participen na quinta edición d´esta cita gastronómica, dende´l vienres 4 al domingu 6 de marzu, tando la cartelería y papelería fecho íntegramente n´asturianu. La hostelería de Samartín del rei Aurelio venceyada a ECOSAM propónse cellebrar la quinta edición de SAMARTÍN DE LES TORTIELLES, prósima cita gastronómica a desendolcar nel conceyu esta fin de selmana, ente los díes 4 y 6 de marzu, cuyu exe central van ser les tortielles creatives, diferentes y orixinales, amás de ser un evento íntegramente n´asturianu gracies al asesoramientu de la Oficina de Política Llingüística de Samartín del Rey Aurelio. En SAMARTÍN DE LES TORTIELLES podrán degustase 29 tortielles diferentes y orixinales, con ingredientes tan variaos como oriciu, bacaláu, pulpu, gambes y gula, llagostín o calamares, amás de tortielles con carne de güe, carrelera ibérico, llacón, con compangu o con callos, picadiellu o xamón, tando dalgunes d´elles complementaes con setes, xampiñones, pimientos del piquillo o diferentes quesos, incluso con guindilles, espárragos, mazanes o plátanos. Variedá y creatividá para la quinta edición d´esti eventu gastronómicu nel que les tortielles serviranse al preciu únicu de 1,50 euros, anque podrán degustase al traviés d´una “promoción conxunta” que se lanzará de tortiella más botella de cerveza San Miguel al preciu de 3,10 euros. Precisamente esti eventu conta cola collaboración de CERVEZAS SAN MIGUEL. Nos 29 llocales tan repartíos por Sotrondio, Blimea y L´Entregu, y pa facilitar el desplazamientu, la llocalización y l´información de les diferentes tortielles que se servirán, editáronse “gastromapes” distribuyíos polos llocales participantes. P´alcontrar más información de los establecimientos participantes habrá qu´acceder equí (www.issuu.com/ecosam/docs/gastromapa_tortielles_2016) o a la páxina de Facebook de l’asociación (www.facebook.com/comerciodesanmartin). ECOSAM utiliza l´asturianu en tolos eventos gastronómicos que entama al cabu l’añu, cuntando col asesoramientu de l´Oficina de Normalización Llingüística de Samartín del Rei Aurelio. asturianuECOSAMeventu gastronómicullingua vehicularSamarín de les Tortielles 0 FacebookTwitterPinterestEmail Anterior La Universidá convoca’l IV Concursu Lliterariu siguiente Constitúyese la Mesa del sector audiovisual asturiano Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón