Salú confirma que l’alumnáu vacunáu nun va guardar cuarentena

Salú confirma que l’alumnáu vacunáu nun va guardar cuarentena
20 setiembre 13:06 2021 Imprimir

La Dirección Xeneral de Salú Pú́blica publicó nueves actualizaciones de cara al tratamientu de los casos positivos nos centros educativos. La principal diferencia con respectu al pasáu añu va ser l’ausencia de cuarentena pa los contactos estrechos ente los casos positivos si estos dan ente l’alumnáu de Secundaria, Bachilleratu, o Formación Profesional.

Sicasí, esta nueva actualización contempla que nel casu de los alumnos de 0 a 3 años, Infantil, Primaria y Educación Especial, van tomase midíes distintes.

Nel casu de los primeros, si un alumnu da positivu, va considerase contactu estrechu a tou aquel que compartiera espaciu con este, a menos de dos metros, mientres má́s de 15 minutos, sacantes pueda asegurase que se fixo un usu fayadizu del mázcaru homologada. Tamién van quedar exentos de guardar cuarentena quien cunten cola pauta de vacunación completa o pasaren la covid nos postreros 180 díes, siempres que se realicen xuna PCR inicial y otra al séptimu día de caltener contactu con una persona arimada. Toes estes esceiciones van caltenese ente que nun se trate de casos rellacionaos coles variantes beta o gamma.

Pa los ciclos de Primaria ya inferiores, al nun cuntar entá con un ampliu espectru de población vacunada, van caltenese les cuarentenes del grupu estable de convivencia nel casu de qu’esista dalgún positivu ente los alumnos. Ente estos, cuando un alumnu sía consideráu sospechosu, el restu del grupu va poder siguir coles clases, pero de confirmase’l positivu, los contactos estrechos tendrán de cumplir siquier 10 dí́as d’aislamientu.

A diferencia del restu, nel casu d’educación Infantil, Especial y Primaria, considerárasé contactu estrechu a tol alumnáu perteneciente al grupu estable de convivencia.

El protocolu educativu

  •     Coordinadores. Cada centru tien de tener un representante funcione como enllaz ente’l centru y los servicios sanitarios nel casu d’un positivu.
  •     Aislamientu. Si un alumnu tien síntomes nel centru, va lleváse-y a un aula estreme, onde va tar atendíu en tou momentu
  •   Mázcaru y distancia. Quien acompañe al alumnu tendrá de llevar un mázcaru tipu FPP2 ensin válvula, xuna pantalla de proteccioón facial y xuna bata desechable.
  •   Llamaes. El centru va encargar de sollertar tantu a la familia como a los servicios sanitarios. Si ye grave, van ponese directamente en contactu col 112
  •   Personal. Si la persona que presenta síntomes ye trabayador del centru, tendrá d’abandonar el mesmu rápido.
  Categories: