Salta un escándalu de filtraciones y abusos sexuales tres del Nobel de lliteratura

L’Academia Sueca, la institución que cada añu otorga’l Nobel de Lliteratura, viose afectada esta selmana poles acusaciones contra l’home d’una de los sos miembros de cometer abusos sexuales y de penerar el nome de dellos ganadores del prestixosu premiu.

Dieciocho muyeres destaparon va unos díes de forma anónima los supuestos vexames y abusos, dellos cometíos en dependencies venceyaes a l’academia, y trés d’elles apunten agora a qu’esa persona reveló con anticipación en públicu en trés causes el ganador del Nobel, informa güei el diariu “Daqens Nyheter”.

Tratase de l’austríaca Elfriede Jelinek (2004), el británicu Harold Pinter (2005) y el francés Patrick Modiano (2014), según el principal rotativu suecu, qu’apunta a que l’individuu en cuestión tamién se jactó de tar arreyáu na concesión del Nobel en 2008 al francés Jean-Marie Gustave -y Clézio. Anque “Dagens Nyheter” caltien l’anonimatu sobro esta personalidá cultural”, como foi bautizáu l’home, otros medios identificáranlu como Jean-Claude Arnault, dramaturgu y fotógrafu francés residente en Suecia dende va décades y casáu cola escritora Katarina Frostenson, una de los dieciocho miembros de l’academia. “Yá nada me sospriende sobro esa persona, esi cabrón. Supongo que lo supo pola so muyer”, dixo güei a esi diariu Peter Englund, secretariu permanente de l’Academia Sueca ente 2009 y 2015.

Englund almitió qu’a él mesmu llegaran nel so día informaciones, a partir d’un artículu na prensa francesa, qu’apuntaben a Arnault como posible filtrador, pero qu’esti negaralo too. Los barruntos sobre filtraciones previes del ganador del Nobel de Lliteratura abondaron nos últimos años, con casos llamativos, como cuando la casa d’apuestes británica Ladbrokes tuvo que cerrar los pronósticos hores antes del fallu porque un autor pasara de tar 15 a 1 a 2 a 1.

El predecesor de Englund nel cargu, Horace Engdahl, dixo entós tar convencíu de que fuera xuna filtración, pero agora refugó falar sobro’l casu aludiendo a que violaría les normes de la institución, de la que sigue siendo miembru. Les turbulencias en redol a l’Academia Sueca empezaron va dos selmanes, coles denuncies públiques de les dieciocho muyeres sobro abusos y vexames cometíos ente 1996 y 2017 nos pisos de la institución n’Estocolmo y París por Arnault, director d’un foru cultural sofitáu económicamente pola organización.

Los rumores sobro la conducta sexual del dramaturgu nun yeren desconocíos nel mundu de la élite cultural sueca, como almitieron personalidaes como Englund, que nes redes sociales sintióse solliviáu porque’l casu “finalmente saliera a la lluz”. Dos díes depués de les denuncies y tres una xunta na que se supo que dellos de los miembros de l’Academia y familiares sufrieren “intimidá ensin deseyar o tratu desaveniente” de Arnault, la institución cortó’l contactu con él y contrató a una firma d’abogaos por qu’estudiara si influyera nel trabayu institucional.

Magar les midíes impulsaes delles voces del mundu académicu suecu falaron de perda de prestíu de la institución y esixeron l’arrenunciu de Engdahl y Englund, que pidieren va unos años un sueldu vitaliciu a cargu del Estáu para Arnault. Los académicos refugaron dimitir, asegurando que los estatutos nun lu dexen, yá que se ye miembru pa tola vida.

L’academia anunció sicasí que va endurecer les riegles sobro incompatibilidá como respuesta a les crítiques qu’aluden tamién a compadreo  a la d’otorgar premios lliterarios o beques d’estudios. Otres instituciones aseguraron que van reconsiderar el so sofitu económicu al foru cultural de Arnault y el Gobiernu suecu faló inclusive de retira-y xuna condecoración real recibida dos años tras, anque a la fin reconoció que nun ye posible.