Portada Escéniques Salen a la venta les entraes pal II Certame de Monólogu Modernu n’Asturianu

Salen a la venta les entraes pal II Certame de Monólogu Modernu n’Asturianu

by asturnet

Salen a la venta les entraes pal Segundu Certame de Monólogu Modernu n’Asturianu organizáu pola asociación H.A XAREOS que se va celebrar el próximu día sábadu 28 d’ochobre na Sala Albeniz de Xixón. Esti festival, que busca que’l monólogu asturianu siga siendo un referente na vida cultural de los asturianos, y que siga siendolo n’asturianu, con unes formes y una temática renovaes, va tar presentáu por Inaciu Galán y González, contando coles actuaciones de Cellero, Lluis Antón González, Benxa Perez y l’estrenu de Delitu Rural y otros alumnos de la escuela Cellero.

Les entraes pa esti certame, que tienen un preciu de 6 € nos llugares de venta y de 8 € nel momentu de la entrada, pueden atopase na Llibrería Central (Xixón), Llibrería Zifar (Xixón), Merca Musical Mento (Xixón), Llibrería Alborá (Xixón), Cafe Trisquel (Xixón), El Barucu (Xixón), Llibrería Paradiso (Xixón), Llibrería Ítaca (Xixón), Piraña Family Discos (Xixón), Llibrería Paraxuga (Uvieu), Chigre Posafuelles (Uvieu), o llamando al telefonu 615982816.

Amás, esti añu’l Certame de Monólogu Modernu ta integráu dientro de los actos de l’ARRIBADA 2006 y van poder mercase les entraes nel puestu de l’asociación instaláu nel Antiguu Institutu de Xixón por mor d’estos actos na selmana del 23 al 28 d’ochobre.

Tamién te podria gustar