Sal a la cai un númberu nuevu de la revista xeneralista n’asturianu “Al debalu”

24 xunu 10:04 2008 Imprimir

La editorial Espublizastur ta acabante asoleyar el segundu númberu de la revista xeneralista n’asturianu “Al debalu”. La revista tien periodicidá mensual ya inclúi entrevistes, reportaxes y opinión, ente otres cuestiones, que van dende la fotografía a, como nesti casu, les pasareles de moda.

Y ye qu’esti segundu númberu inclúi reportaxes d’agricultura ecolóxico, lleendes urbanes, un reportaxe gráficu tituláu “con vistes a la mar”, de fotografia surfera y los reportaxes “una tardi na bolera”, “llenzos de pasarela”, “Alcuentru de fotoperiodistes en Mieres”, “Viaxe: Nuea York” y entrevistes a dellos grupos de música, ente otres coses.

La revista va presentase públicamente esti xueves nel Xardín Botánicu de Xixón onde, tres l’actu de presentación, va haber una degutación de dellos productos ecolóxicos asturianos.

Los puntos de difusión de la revista xorrecen con cada númberu y según cuenten dende la dirección de la mesma “tuvo una perbona acoyida pola calidá fotográfica y los novedosos conteníos en llingua asturiana”.

La editorial abre la posibilidá de soscribise o poner publicidá mandando un corréu lletrónicu a al_debalu@hotmail.com

Descarga’l númberu dos de la revista, de baldre

  Categories:
Loading Facebook Comments ...