SACU avanza nel so espardimientu del cine cola publicación d’un ensayu

SACU avanza nel so espardimientu de les artes cinematográfiques cola publicación “La paranoya contemporanea. El cine na sociedá de control”. Con esti ensayu editáu pola Fundación Municipal de Cultura, SACU convida a cuestionar lo qu’esperimentamos de manera virtual en toles pantalles que nos arrodien.

José Francisco Montero coordina esti volume qu’apigura capítulos roblaos por críticos y ensayistes como Carlos Losilla, Violeta Kovacsics y Paula Arantzazu Ruiz, ente otru autores El escritores asturianos Christian Francu Torre y Xaime Martínez participen tamién nesta publicación editada por Trea y prologada pol cineasta Samuel Alarcón

“La paranoya contemporanea. El cine na sociedá del control” ye’l primer títulu editáu pola Fundación Municipal de Cultura al traviés de la Selmana del Audiovisual Contemporanea d’Uviéu, cola que se da un pasu más na xera d’apurrir materiales que se sumen al discursu añal ellaboráu dende SACU. Un ensayu que presentó esta mañana en rueda de prensa’l conceyal de Cultura, José Luis Costielles, col que se constata “el nuesu sofitu a esti ciclu cinematográficu, que’l so ésitu demuestra que la población  sigue queriendo ver más cine”. Editáu por Trea na so colección Artes, el volume ta coordináu por José Francisco Montero, y consta de nueve capítulos que nos conviden a “cuestionar tanto aquello qu’esperimentamos de manera virtual nes innumberables pantalles que nos arrodien, como lo que nos asocede na cada vez menos consciente vida real”, esplica’l director de SACU, Pablo de María.

Nueve ensayistes y críticos cinematográficos participen en La paranoya contemporanea, autores bien conocíos de la prensa especializada como Carlos Losilla, Violeta Kovacsics y Paula Arantzazu Ruiz. El llibru, prologáu pol cineasta Samuel Alarcón, cuenta tamién con firmes asturianes, como’l periodista Christian Francu Torre y l’escritor Xaime Martínez, flamante ganador del Premiu Nacional de Poesía Nueva.

Va seis años que la Fundación Municipal de Cultura d’Uviéu apostó por xenerar una programación audiovisual calidable. Tres cinco años, ésta yá ye xuna actividá estable que desenvuelve distintes programaciones: la Selmana del Audiovisual Contemporaneu, Radar y el Cine a la lluz de la lluna. Con esti volume, SACU escuerre espublizar les diverses formes cinematográfiques atendiendo por igual a los llinguaxes más clásicos como a les vanguardies.

Esti volume colectivu analiza cómo reflexó’l cine tou estos acontecimientos que de forma tan trascendental contribuyeron a conformar el nuesu presente. Ye más: cómo da forma’l cine, en primer instancia arte de lo visible y lo invisible, a una dómina caracterizada pola visibilidá aparentemente absoluta pero por una invisibilidá non menos intensa de les sos estructures y engranajes, qué traces asumió un cine realizáu nun mundu determináu por estes mirada omnipresentes, nel que toos somos conscientes de que somos reparaos quiera que non, en tou llugar y en tou tiempu, como si se fixeren realidá los terrores del paranoicu.