Portada Cine Ryan Gosling va ser el nuevu home llobu na película que prepara Universal

Ryan Gosling va ser el nuevu home llobu na película que prepara Universal

by redacción asturnews

Ryan Gosling va ser el nuevu home llobu na película que prepara Universal y anque se desconoz quién va dirixir la cinta, el proyectu va tornar col personaxe nacíu nos cómics.

Desconozse cómo va ser la nueva hestoria d’El home llobu y si va siguir la trayectoria d’actualizar clásicos, según cuál va ser l’apariencia del personaxe encarnáu por Gosling, quien compartió la so idea para la película coles guionistes Lauren Schuker Blum y Rebecca Angelo.

El rodaxe d’esti filme va coincidir col otru proyectu del actor, nel que volverá ser un astronauta n’una cinta basada nun llibru de Andy Weir, l’autor de The Martian que Ridley Scott afixo a la gran pantalla en 2015.

La novela na que se va inspirar el guion entá nun ta publicada, pero la hestoria llamó l’atención de Gosling, quien yá encarnó al astronauta Neil Amstrong en First Man (2018), sobro la llegada del primer home a la Lluna.

Gosling nun ye un estrañu a la ciencia-ficción pos anque algamó gran popularidá con La La Land (2016), tamién protagonizó al añu siguiente la remortina de Blade Runner, llamada Blade Runner 2049 y na que compartió pantalla con Harrison Ford y Ana d’Armes.

Tamién te podria gustar