Sociedá Ruiz-Tilve, Paloma Uría y Francisco Llera protagonicen la II Xornada de la Fundación Caveda y Nava by asturnet 6 de payares, 2004 written by asturnet 6 de payares, 2004 49 Carmen Ruiz-Tilve, Paloma Uría Ríos y Francisco Llera Ramo. Esos tres nomes propios marquen güei la cellebración en Villaviciosa de la II Xornada de la Fundación Caveda y Nava, que rinde homenaxe al escritor que-y da nome énte la so casa natal y analiza nuna conferencia la esistencia d’un fechu diferencial asturianu. L’actu qu’abrirá el programa sedrá l’acoyimientu como nueves patrones d’honor de la Fundación, nel monesteriu de San Salvador de Valdediós, de Ruiz-Tilve, escritora y cronista oficial d’Uviéu, y de la profesora Uría Ríos. La primera d’ella tará presentada pola lliterata Berta Piñán, mientres que la figura de la segunda glosarála la narradora Carmen Gómez Ojea. Darréu d’esi actu formal, cuyu empiezu ta previstu pa les 17 hores, los miembros de la Fundación tributarán-y un homenaxe al escritor Xosé Caveda y Nava -autor de la primer antoloxía de poesía n’asturianu, editada en 1839- na so casa de nacencia, en Villaviciosa. Una conferencia’l caderalgu de Ciencia Política na Universidá’l País Vascu Francisco Llera Ramo completará los actos previstos na xornada, baxo’l títulu ‘Señes d’identidá: ¿Hai un fechu diferencial asturianu?’. Les cellebraciones cuenten col sofitu del Gobiernu’l Principáu y del Ayuntamientu de Villaviciosa. 0 FacebookTwitterPinterestEmail Anterior Artistes asturianes esponen nel prestixosu Midlands Arts del Reinu Xuníu, que recibe 650.000 visites al añu siguiente IAS denuncia inacción del Principáu énte l’ausencia d’una versión n’asturianu de la Constitución europea Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...