“Rui Horta” pon n’escena “Scope” nel Teatru La Llaboral

“Scope” del portugues Rui Horta ye’l prósimu espectáculu que llegará al nuevu escenariu del Teatru de la Llaboral de Xixón el sábadu 3 y el domingu 4 de payares a les 20: 30 hores. L’artista portugues afonda nos distintos puntos de vista d’una mesma realidá ente dos actores con una obra pa un públicu másimu de 90 espectadores en cada sesión.

El lisboeta Rui Horta lleva baillando dende los 17 años cuando debutó col Ballet Gulbenkian. Tres estudiar danza contemporánea en Nueva York llegó a Portugal pa dirixir a la Compañía de Danza de Lisboa y más tarde trabayar cola so propia compañía. Con abondos premios na so estensa carrera tamien collabora habitualmente en dellos proyectos internacionales.