Portada Música Royal Crown, Vaudí y Jacky Trap siguen la estela’l Día de la Música nuna selmana de conciertos en Siero

Royal Crown, Vaudí y Jacky Trap siguen la estela’l Día de la Música nuna selmana de conciertos en Siero

by asturnet

Jacky Trap, Vaudí, Alfredo González, Royal Crown Revue y Marco Martínez & Xaime Arias Jazz Dúu. La multinacional del ociu Fnac entama, con esa llista de nomes, una serie de conciertos nes sos instalaciones de Parque Principáu pa siguir la estela del Día Européu de la Música, qu’ayeri se cellebró cola baxada del 16 por ciento d’IVA que grava los discos como una de les reivindicaciones centrales d’artistes y consumidores.

Nesa sienda de petición de rebaxa, la gran superficie de venta de música y lliteratura programa una selmana d’actuaciones que güei protagonizarán los avilesinos Jacky Trap, con un adelantu n’acústico de los temes del so nuevu discu, y que mañana, miércoles, tendrá continuidá con un conciertu’l cantautor Alfredo González, que presentará pieces del so primer trabayu, ‘La vida de alquiler’.

Tamién nel espaciu que la Fnac rexenta nel centru comercial Parque Principáu, allugáu nel conceyu de Siero, el xueves asoleyaráse’l cartel definitivu’l festival Crossroad, qu’axuntará en Xixón a primeres figures del rock a finales de xunetu. Rematará l’actu una actuación de Royal Crown Revue, que-y pasará’l relevu al otru día, vienres, al músicu brasileñu afincáu n’Asturies Vaudí.

Los encargaos de pesllar la selmana de cellebraciones musicales na Fnac sedrán Marco Martínez y Xaime Arias, integrantes del dúu homónimu de jazz, qu’ufrirán un conciertu na tarde’l sábadu 26 con un amiestu de sones llatinos, swing y música tradicional.

Tamién te podria gustar