MunduMúsica Rosalía anuncia xira norteamericana by redacción asturnews 21 de marzu, 2019 written by redacción asturnews 21 de marzu, 2019 42 Rosalía anunció esti martes la so primer xira en solitariu en Norteamérica, na que va promocionar el so recién álbum El mal querer con cuatro conciertos, trés n’EE.XX. y unu en Canadá, que se suman a la so actuación nel popular festival de Coachella (California). Según un comunicáu de Columbia Records, la ganadora de dos Latin Grammy pol ésitu musical Malamente va llevar esta primavera a Los Ánxeles, San Francisco, Nueva York y Toronto la so fusión de flamencu, pop y xéneru urbanu con “actuaciones en directu visualmente allucinantes”. La xira de Rosalía va empezar el 17 d’abril nel teatru The Mayan en Los Ánxeles, va pasar por The Regency Ballroom en San Francisco’l día 22, va participar nel Red Bull Music Festival de Nueva York con un conciertu nel reabiertu Webster Hall el día 30, y va rematar el 2 de mayu na sala Rebel de Toronto (Canadá). Les entraes de la xira podrán llograse por aciu pre-vienta a partir del próximu 21 de marzu y de manera xeneral a partir del día siguiente al traviés de la páxina web de l’artista catalana, que se convirtió nun fenómenu musical a los 25 años, especialmente aclamada pel so segundu y últimu discu. Ente medies, Rosalía ye cabeza de cartelu en dos festivales estadounidenses: el veteranu Coachella (Indiu, California), onde va actuar el 12 y el 19 d’abril, y el novedosu Something In The Water (Virginia), onde se preve’l so espectáculu’l 27 d’abril, según la llista de la so páxina web. D’alcuerdu a Columbia Records, nos primeres trés meses de 2019 la trayectoria de Rosalía siguió n’ascensu, y publicaciones como The New York Times, Rolling Stone y Billboard inclúyenla ente lo más selecto de l’actualidá musical. 0 FacebookTwitterPinterestEmail Anterior Los colexos católicos van informar a la Fiscalía de casos d’abusos sexuales siguiente La Factoría Cultural acueye dende güei la esposición “Arqueoloxía: tierra y fueu” de María Jesús López Fernández Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón