Portada Escéniques Rolabola algama’l Premiu Nacional de Circu 2017

Rolabola algama’l Premiu Nacional de Circu 2017

by redacción asturnews

Rolabola Circu llogró esti llunes 2 d’ochobre’l Premiu Nacional de Circu correspondiente a 2017, pola so busca incansable, dientro del llinguaxe del circu, de formes integradores y la creación d’espacios dinamizadores que dexaron la crecedera del circu actual”.

Coles mesmes, el xuráu destacó que Rolabola foi “catalizador d’artistes, proyectos ya iniciatives ente les que destaca’l so últimu espectáculu, Circu Mediterráneu”.

El Premiu, dotáu con 30.000 euros, concedelu añalmente’l Ministeriu d’Educación, Cultura y Deporte pa reconocer l’actividá d’entidaes y profesionales españoles del circu tantu n’España como nel estranxeru.

Rolabola Circu, una de les primeres compañíes circenses andaluces con perspectiva contemporanea, ye de los más fieles tresmisores del circu como elementu educativu y pedagóxicu, realizando a lo llargo de los sos 20 años de trayectoria más de 100 talleres y cursos n’universidaes, colexos ya institutos.

Tamién te podria gustar