Roberto Rodríguez Redondo presenta Animal Print(ed), dientro de les ayudes a la creación de la Factoría Cultural

Roberto Rodríguez Redondo presenta Animal Print(ed), dientro de les ayudes a la creación de la Factoría Cultural
18 avientu 14:11 2018 Imprimir

El ceador avilesín Roberto Rodríguez presenta “Animal Print(ed)”,  dientro les ay deuds de la Factoría Cultural, partiendo de dos ilustraciones orixinales que se tresformen sobro distintos soportes y técniques de reproducción gráfica como la serigrafía y el stencil. Los elementos que conformen l’amuesa fueron afechos por una marca de ropa californiano pa una colección y xuna esposición itinerante por distintes capitales europees

Les ayudes a la creación artística de la Factoría Cultural siguen dando los sos frutos. L’avilesín Roberto Pablo Rodríguez Redondo llogró una de les destinaes a artes plástiques, que remató n’Animal Print(ed), que’l so resultancia poder ver nuna esposición homónima, qu’inauguró esti vienres 14 la concejala de Cultura, Yolanda Alonso, a les 20 hores na mesma Factoría Cultural y que va permanecer n’exhibición hasta’l 31 de xineru.

Roberto Rodríguez Redondo recibió una de les ayudes a la creación artística qu’impulsa la conceyalía de Cultura d’Avilés al traviés de la Fundación Municipal de Cultura y la Factoría Cultural. Nes instalaciones del centru, gracies a la residencia artística incluyida dientro de la convocatoria, desenvolvió tol so trabayu creativu que remató na esposición que güei s’inaugura.

La so propuesta componese de distintes series d’edición llindada, nes que desenvuelve, por aciu técniques de reproducción gráfica, como la serigrafía o’l stencil, dos ilustraciones orixinales sobro les que trabayó d’una manera más clásica, entintadas estes a pincel y con tinta china.

Nes reproducciones que componen l’amuesa utiliza pintura sintética en aerosol o tintes de serigrafía, sobro papel (con una tirada curtia), reciclando materiales industriales (antiguos soportes publicitarios convertíos por él en soportes pictóricos), o en retayos de madera con acabáu de resina a la manera d’una tabla de surf.

El conteníu de la obra realizao y espuesto dende la selmana pasada na Factoría Cultural, gracies a una les ayudes a la creación artística que concede la conceyalía de Cultura d’Avilés, foi afechu pola marca de ropa californiano RVCA n’una de les sos colecciones colecciones de ropa pa toa Europa. Esa mesma compañía va amosar la esposición que güei s’inaugura de forma itinerante por distintes capitales europees, dientro de la so plataforma p’artistes ANP (Artis Network Program).

La esposición de la Factoría Cultural, que s’inaugurara esti vienres pasáu a les 20 hores, va permanecer n’exhibición hasta’l 31 de xineru. Y podrá visitase nel horariu habitual del centru cultural de l’avenida de Portugal, 13, esto ye, peles mañanes de 9 a 14.30 hores, y per les tardes, de 16.30 a 21 hores.

Más información

  Categories: