Rivera quier abaratar cines y museos col aforru del Senáu

Rivera quier abaratar cines y museos col aforru del Senáu
30 18:38 2015 Imprimir

Ciudadanos anunció esti domingu que baxaría’l IVA de les entraes de cines, museos y teatros del 21% actual hasta’l 7% gracies al aforru de 50 millones que supondría pa les arques públiques cerrar el Senáu.

Albert Rivera, que propón otru sistema d’ayudes al cine, convirtió la presentación del so programa nuna reivindicación de la capacidá de xestión de la formación. El candidatu, que yá tien en mente los nomes del núcleu duru col que cuntaría nel so Gobiernu, compartió estráu con ocho collaboradores.

“L’oxetivu tien que ser gobernar”, opinó’l candidatu en conociendo que güei Ciudadanos sería la segunda fuerza más votada, a solo una décima del PP, según un sondéu de Metroscopia. “Tener tou por que esti país vuelva suañar de nuevu. Yo nun quiero pidir cambeos, quiero liderar”.

El líder de Ciudadanos arrodiose pa presentar el programa de Juan Carlos Girauta, Marta Rivera de la Cruz, Francisco de la Torre, Toni Roldán y Elena Faba, toos ellos candidatos al Congresu; d’Antonio Espinosa, coordinador del programa; y d’Inés Arimaes y Carolina Punset, que lideren el partíu en Cataluña y la Comunidad Valenciana. Los estrategues de Ciudadanos concluyeron que PP y PSOE van intentar detener el so ascensu recordándo-yos a los electores que’l partíu nunca xestionó nada. Por eso intenten demostrar qu’hai equipos bien preparaos y propuestes de gobiernu detallaes.

Un nuevu IVA. Na so propuesta inicial, el partíu ufiertó dos tipos de IVA (18% y 7%) frente a los trés actuales. Eso supondría baxar el IVA xeneral (del 21% al 18%) y l’amenorgáu (del 10% al 7%), y esaniciar el superreducido, que ye’l qu’agora mesmu afecta a productos básicos como’l pan (xubiría del 4% actual al 7%). Ciudadanos anunció ayeri que les entraes pa cines, teatros o museos tamién tributaríen al 7%, y non al 21% actual, o al 18% que propunxera enantes, porque los 50 millones que s’aforraría esaniciando’l Senáu dexaríen compensar parte de los 150 millones que dexaría d’ingresar l’Estáu al baxar l’impuestu a les entraes. Llibros y periódicos, sicasí, xubiríen del 4% al 7%.

 

  Categories:
Loading Facebook Comments ...