Portada Conceyos “Rita” foi esti vienres el primer estrenu nel regresu del teatru al Palaciu Valdés

“Rita” foi esti vienres el primer estrenu nel regresu del teatru al Palaciu Valdés

by redacción asturnews

En dos funciones, vienres  11 y sábadu 12 de setiembre, “Rita”, una traxicomedia qu’esquiza los dilemes en redol a la fin de la vida, primer estrenu absolutu nacional nel regresu del teatru al Palaciu Valdés.

El testu de Marta Buchaca, dirixíu por Lautaro Perotti, y protagonizáu por Carlos Hipólito y Mapi Sagaseta, retomó les representaciones teatrales de escenAvilés, suspendíes en marzu. Les estrictes midíes de seguridá frente a la pandemia del COVID-19 motivaron l’amenorgamientu del aforu del coliséu a menos de la metá. Queden les últimes entraes disponibles para esfrutar de la obra, nes canales de vienta habituales

Tres la suspensión de toa actividá cultural so techu pola pandemia del COVID-19, el yá centenariu Teatru Palacio Valdés acoyía esta fin de selmana la so primer obra dende marzu, “Rita”. El tamién primer estrenu absolutu de la nueva programación de escenAvilés propón, en forma de traxicomedia, un testu de Marta Buchaca dirixíu por Lautaro Perotti qu’esquiza los dilemes sobro la muerte digna, nun duelu interpretativu ente Carlos Hipólito y Mapi Sagaseta.

La obra, una propuesta de la productora La Zona, nun pretende dar respuestes, “pon la entruga n’escena y dispon la hestoria pa xenerar un alderique nel espectador”, aprofia Buchaca. Una función na que’l sentíu del humor sirve de contrapuntu nuna tema tan dura como ye’l sufrimientu a la fin de la vida.

Tamién te podria gustar