Richard Stallman torna a Uviéu pa falar del software llibre

Richard Stallman torna a Uviéu pa falar del software llibre
02 febreru 10:26 2018 Imprimir

El gurú de la informática, Richard Stallman, torna a Uviéu para falar del software llibre. La conferencia va ser el día 24, nel Palaciu de Congresos y foi presentada esta selmna pola vicealcaldesa d’Uviéu , Ana Taboada y los organizadores, HackLab Pica Pica.

La vicealcaldesa, Ana Taboada presentó esta selmana la conferencia que’l gurú de la informática, fundador del movimientu de software llibre, va ufiertar el próximu 24 de febreru, a les 18 hores, nel Palaciu de Congresos. La concejala tuvo acompañada polos organizadores del eventu, del colectivu Hacklab Pica Pica, Amadeo Fernández y Marcos Suárez.

La vicealcaldesa recordó qu’hai aprosimao un añu “tuvo n’Uviéu Falciani, ceador de la llista Falciani, una relación que contién los nomes de potenciales evasores fiscales con cuentes ensin declarar na sucursal na que trabayaba en Xinebra”. A xuiciu d’Ana Taboada, “cuando nos punximos al mandu d’esta nave, qu’a’l nuesu xuiciu taba al debalu” sabedores de que “agora’l poder de la información y el so control tiénenlu les grandes multinacionales, unu de los compromisos d’esti equipu de gobiernu ye’l sofitu a la implantación del software llibre para garantizar el control de la información de l’Alministración pública y nun depender de terceros. Obviamente, cuidando que’l Conceyu ta desmanteláu en materia de personal empezamos con una primer fase divulgativa que gracies al sofitu d’esti colectivu va arrincar, el día 24, con una conferencia de Richard Stallman, que nos llevó casi un añu consiguir”.

Richard Stallman ye un programador estadounidense y fundador del movimientu pol software llibre nel mundu.  Ente los sos llogros destacaos como programador inclúyese la realización del editor de testu GNU Emacs. Stallman yá visitó Uviéu n’otres ocasiones.

Marcos Suárez, añedió: “Una de les llibertaes fundamentales del software llibre ye poder aportar al códigu fonte del programa”. Al respective de la charra indicó que les puertes van abrise media hora antes, en redol a les 17.30 hores, y que “nun va ser una conferencia técnica sinón xuna ponencia abierta a tou tipu de públicu, de conteníu filosófico y social”.

Más información: www.picahack.org

  Categories: