Ribeseya sigue colos actos de la so III Selmana de les Lletres

03 mayu 10:36 2010 Imprimir

La fin de selmana pasada entamaba con una xornada d’instalación d’Ubuntu, la tercer edición de la Selmana Ribeseyana de Les Lletres, cola que se quier homenaxear al escritor Xosé Antón García. Pa ello, y, per aciu de la Conceyalía de Cultura, entamar una serie d’actos alredor de la llingua asturuiana, ente los que tán, el martes 4 a les 18 hores, la representación d’un fragmentu de la obra d’Antonio Martínez Cuétara, “El tenoriu Asturianu” (espublizada y estrenada en México, en 1944) al cargu d’alumnos del IES Avelina Cerra.

Amás, el 5 de mayu, a les siete la tarde, entregaránse los premios del III Premiu Arbidel de Cuentos Eróticos.

Pa rematar la III Selmana Ribeseyana de les Lletres, el xueves 6 a les siete la tarde, Laura Solís va dar una conferencia sobre Xosé Antón García “Pin”, escritor del Surdimientu, y miembru nos años ochenta del colectivu Conceyu Asturies en Madrid. Tolos actos tendran llugar na Casa Cultura de Ribeseya.

  Categories:
Loading Facebook Comments ...