Riaño pon a Galicia como modelu nel Día de les Lletres

Riaño pon a Galicia como modelu nel Día de les Lletres
05 ochobre 19:21 2020 Imprimir

El presidente de l’Academia de la Llingua Asturiana (ALLA), Xosé Antón González Riaño, punxo esti vienres a Galicia como exemplu nidiu de lo que pue ser el camin a la oficilidá n’Asturies, nun Día de les Lletres esceicional, nel que s’acoyía como académicu correspondiente al escritor Pablor Rodríguez medina y entregábase’l Premiu Nacional de Lliteratura a Xuan Xosé Sánchez Vicente.

“Una muestra d’un billingüismu social harmónicu» que tien que servir a Asturies pa entamar un procesu asemeyáu qu’amás corre prisa: “necesitamos entamar a facelo agora”. Foi la priedra angular del discursu del presidente de l’ALLA, Xosé Antón González Riaño nun actu de celebración del Día de les Lletres esceicional, que tuvo llugar per primera vegada nel nel Aula Magna de la Universidá d’Uviéu cola asistencia del presidente del Principáu Adrián Barbón; el presidente de la Xunta Xeneral, Marcelino Marcos; el rector de la Universidá d’Uviéu, Santiago García Granda; y la conseyera de Cultura, Berta Piñán.

La otra exa del discursu de García Riaño tuvo nel alcuerdu de mínimos sobre’l modelu xurídicu de la oficialidá que’l presidente los académicos reclamo a les fuercies polítiques. García Riaño tuvo un primer recuerdu pa la situación sanitaria y  les víctimes de la Covid-19; y l’alcordanza de que la Unesco caltién al asturianu na categoría de llingua en peligru de desaniciu. Por mor d’ello, el presidente de l’ALLA dexó bien a les clases la so opinión de que paez “inconcebible qu’Asturies permitiere que tal cosa pasare”. Sobre too, señaló, cuando la Constitución española establez la oficialidá como modelu pa protexer les llingües propies.

Y nesi conestu, Galicia amosose como exemplu “d’un billingüismu social harmónicu nel que tanto’l castellanu como la llingua de la comunidá conviven pacífica y llealmente. Nós queremos facer lo mesmo y necesitamos entamar a facelo agora”. Un pactu mayoritariu ente los partíos y la sociedá foi la reclamación afitada por García Riaño pa una llingua que “nun ye de naide n’esclusiva, nin de les esquierdes nin de les dereches”. Un pidimientu centráu nel fechu indiscutible de que” la llingua ye un patrimoniu cultural de tolos asturianos y asturianes que supieron caltenela a lo llargo de los sieglos hasta güei”.intervi

Nel mesmu actu, intervendríen previamente’l escritor Pablor Rodríguez Medina, acoyíu como nuevu académicu correspondiente y Xuan Xosé Sánchez Vicente, que recoyía’l Premiu Nacional de Lliteratura.

  Categories:
Loading Facebook Comments ...