Portada Conceyos Retiraes les 82 bicicletes de “Avilés en bici” y cerráu l’Albergue de Pelegrinos

Retiraes les 82 bicicletes de “Avilés en bici” y cerráu l’Albergue de Pelegrinos

by redacción asturnews

Namái entamar otra vuelta l’actividá esti llunes, el conceyu d’Avilés fizo anuncia de la retirada de les 82 bicicletes del serviciu municipal “Avilés en bici” y el pieslle del Albergue de Pelegrinos. La suspensión del serviciu “Avilés en bici va caltenese mientres tean a valir les midíes de prevención y protección a la población decretaes poles autoridaes sanitaries.

El Conceyu d’Avilés procedió esta mañana a la retirada de les 82 bicicletes adscrites al sistema municipal de préstamu gratuitu “Avilés en bici”, con 3.000 usuarios y usuaries y unos 25.000 usos en 2019. Suspéndese’l serviciu como midida preventiva frente al espardimientu del COVID-19 y por cuenta de les característiques d’usu compartíu inherentes al serviciu, especialmente pol contactu de les manos col manillar de les bicicletes.

Esta suspensión va caltenese mientres tean a valir les midíes de prevención y protección a la población decretaes poles autoridaes sanitaries. Amás, l’Albergue Municipal de Pelegrinos “Pedro Solís” cerró tamién temporalmente pol mesmu motivu, tal que anunció ayeri l’Asociación Ástur-Galaica encargada de la so xestión.

Dende’l Conceyu llamenten les molesties causaes por esta suspensión, pero manifiesten atopase nuna situación escepcional, que rique midíes preventives que cunten col esfuerzu y la collaboración ciudadana pa superala con ésitu.

Tamién te podria gustar