Portada Escéniques Representación del espectáculu musical y teatral “País Malva” de l’Asociación Música Tradicional Muyeres

Representación del espectáculu musical y teatral “País Malva” de l’Asociación Música Tradicional Muyeres

by redacción asturnews

Dientro de los actos del “8 de Marzu”, represéntase esti martes a les 19.00 hores nel Teatru Palacio Valdés, l’espectáculu teatral “País Malva” de l’Asociación Música Tradicional Muyeres. Nel mesmu actu va dase llectura al Manifiestu del Conseyu Municipal de la Muyer con motivu del Día Internacional de les Muyeres, que va faer un representante del Conseyu Municipal d’Infancia y Adolescencia del Conceyu d’Avilés.

País malva ye un paisaxe sonoro basáu nes grabaciones de los primeres etnomusicólogos que documentaron la música tradicional asturiana a mediaos del sieglu XX.

Cola reinterpretación d’esti patrimoniu musical, l’Asociación Música Tradicional Muyeres quier rindir tributu a Kurt Schlindler, Alan Lomax, Constantin Brailoiu y Manuel García Matos; ” toos ellos pioneros nel importante llabor de tresformar en tanxible un legáu cultural hasta entós intanxible. Tomamos 1952 como un añu de referencia nel que se cruciaron nel territoriu asturianu distintos investigadores, realizando trabayos de campu que recoyeron de voz del pueblu, documentos sonoros que formen parte imprescindible del Patrimoniu Cultural Inmaterial de la Humanidá. Dende l’Asociación Música Tradicional Muyeres, proponemos una nueva llectura d’estos trabayos -testimonios sonoros que, en
munchos casos, apaecen acomuñaos a la muyer-, con cuenta de revisar un pasáu entá recién que forma parte de la nuesa memoria. Nun queremos remembrar grandes xestes sinón, más bien, remembrar les buelgues, los posos y los restos sonoros qu’han pervivido hasta los nuesos díes.

Tamién te podria gustar