Reporteros ensin Fronteres espubliza’l mapa mundial de la llibertá de prensa

Reporteros ensin Fronteres espubliza’l mapa mundial de la llibertá de prensa
09 mayu 09:07 2019 Imprimir

La organización Reporteros ensin Fronteres publicó apocayá una nueva edición del Índiz Mundial de Llibertá de Prensa. L’informe revela que’l númberu de países consideraos seguros para los periodistes menguó en 2019. De los 180 países y territorios analizaos, solo’l 24% foi clasificáu como “bonu” nesti ámbitu, un amenorgamientu de dos puntos porcentuales al respective de 2018, momentu nel qu’esti porcentaxe foi del 26%.

Según l’informe, una esmolecedora cantidá de gobiernos con tintes autoritarios tán fortaleciendo’l so control sobro los medios de comunicación. La hostilidá espresada polos líderes políticos ta afalando cada vez más a la violencia y alimentando la medrana de los periodistes a exercer llibremente’l so oficiu. De tol mundu, los países que llograron les peores puntuaciones fueron Eritrea, Corea del Norte y Turkmenistán. Per otru llau, la situación de la llibertá de prensa empioró anguaño n’Estaos Xuníos, China, Rusia y Venezuela.

N’otres llatitúes, especialmente la península escandinava, atópense los meyores índices de llibertá de prensa. Como amuesa esti gráficu de Statista, Noruega llogró la meyor puntuación per tercer añu consecutivu, siguida per Finlandia y Suecia.

Fuente: es.statista.com

  Categories: