FiestesMúsica “Remember Queen” y “Los Blus Probes” toquen esti llunes n’Avilés by redacción asturnews 4 de marzu, 2019 written by redacción asturnews 4 de marzu, 2019 154 Esti llunes, los conciertos de “Remember Queen” y “Los Blus Probes” y la verbena antroxera cola Orquesta Tekila van centrar la esena musical n’Avilés. Tres el Concursu de Murgues y Fanfarries, nos escenarios de la plaza de Carlos Llobu y El Parche. Les fanfarries “El Felechu”, “Dexe’l Pasu”, “Picante”, “El Compangu” y “L’Estrueldu” van animar les cais avilesines. El Llunes de Murgues y Fanfarries llega completu de música y animación. A partir de les 19 hores va dar empiezu na Plaza de Carlos Llobu’l Festival de Murgues, Charangues y Fanfarries. Tres el concursu, van tener llugar los conciertos de Los Blus Probes (20:30 hores), na mesma plaza, y la verbena antroxera cola Orquesta Tekila (22:00 y 0:30 hores) y el conciertu “Remember Queen” (23 hores) en Plaza España. Amás, a lo llargo de la xornada, les fanfarries “El Felechu”, “Dexe’l Pasu”, “Picante”, “El Compangu” y “L’Estrueldu” van entretener a los avilesinos poles cais de la ciudá. 19:00 hores. Festival de Murgues, Charangues y Fanfarries Va Tar conducíu polos integrantes de la banda Los Blus Probes na Plaza Carlos Llobu. van partise 1.300 euros en premios pa los cuatro primeros clasificaos: 500 euros el primeru, 350 el segundu, 250 el terceru y 200 el cuartu. va valorase la orixinalidá, la lletra, la música, l’harmonía, la interpretación y el vestuariu. 20:30 hores. Conciertu de Los Blus Probes Tres el Festival, y ensin movese d’allugamientu, el presentadores van dar el primeru de los grandes conciertos del llunes. Los Blus Probes yá enllenaron n’anteriores ocasiones les places avilesines. El so espectáculu, de barganal de dos hores, ye risonderu, descaráu, y el so directu potente y frescu, onde’l públicu nun va parar de saltar, rir y baillar. El líder de la banda ye’l carismáticu Alberto Rodríguez, y acompáñenlu Xulio Antidio, Chus Naves y Sergio García. 22:00 y 0:30 hores. Orquesta Tekila A partir de les 22:00, la Orquesta Tekila amenizará con una gran Verbena Antroxera a aquellos que s’axunten en Plaza d’España. El segundu pase va dar empiezu a les 0:30 hores. 23:00 hores. Remember Queen “Remember” Queen ye’l grupu tributo consideráu más fiel a la mítica banda británica liderada por Freddie Mercury n’Europa. Tornen a Avilés nun momentu nel que’l públicu ta vidueñu de cantar les grandes temes del grupu gracies al ésitu que ta collechando la película Bohemian Rhapsody. L’espectáculu foi vistu por más de mediu millón de persones, y torna a Avilés con una anovada puesta n’escena, un vestuariu bien curiáu y los meyores artistes del mundu especialistes n’emular a la banda de rock, ufiertando especial homenaxe a la figura de Freddie Mercury y el so legáu musical. La puesta n’escena ye similar a la que Queen utilizaba na Xira del 86, la postrera del grupu con Freddie Mercury en vida. Reproducen la formación esacta que teníen y que trunfó en tol mundu naquella dómina. Remember Queen ta compuestu por Piero Venery (vocalista – Freddie Mercury), Roberto D’Amicis (batería – Roger Taylor), Lleo Giannetto (guitarrista – Brian May), y Xunetu Llorca (bajista – John Deacon). 0 FacebookTwitterPinterestEmail Anterior Educación invierte 92.000 euros en Degaña y Blimea siguiente “Thriller” gana la XXXVIII Yincana Automovilística del Antroxu Aviles 2019 Tamién te podria gustar Semando Son amuesa’l nuevu folk asturiano El Trasiegu Fest conclúi col envís de poner... El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique