Portada Lliteratura Remedios Zafra gana l’Anagrama con un ensayu sobro la precariedá na era dixital

Remedios Zafra gana l’Anagrama con un ensayu sobro la precariedá na era dixital

by redacción asturnews
Foto: Medialab Prado (https://www.flickr.com/photos/medialab-prado/)

La escritora y profesora cordobesa Remedios Zafra ganó la 45 edición del Premio Anagrama d’Ensayu cola obra ‘L’entusiasmu’, un analís xeneracional sobro la precariedá y el trabayu creativu na era dixital.

Zafra, que se presentara al premiu, dotáu con 8.000 euros, sol seudónimu de Regina Reina de la Escalera, impúnxose ente los 104 orixinales presentaos anguaño, procedentes de trelce países, que fueron sometíos al veredictu d’un xuráu integráu por Jordi Gracia, Chus Martínez, Joan Riambau, Daniel Ricu y l’editora Silvia Sesé.

Na presentación del fallu, Zafra fixo xuna defensa del ensayu nos tiempos que cuerren y reveló que la obra nació d’una frase qu’un estudiante escribió-y nun trabayu que dicía: “Fixéronnos creer que somos llibres, que tenemos capacidá pa controlar el nuesu destín y que más o menos podemos consiguir lo que propongamos, y esa ye la fonte de la frustración”.

Según Zafra, la crisis económica “sentó les bases d’un nuevu escenariu nel que la xeneración de quien nacieron a finales del sieglu XX y crecieron ensin épica pero sí con mires, afayaron un nuevu escenariu que se fixo estructural: la precariedá y la desilusión”.

Tamién te podria gustar