ConceyosSociedá Rematen los trabayos d’ellaboración del planiamientu de la Isla de la Innovación d’Avilés by redacción asturnews 16 d'abril, 2019 written by redacción asturnews 16 d'abril, 2019 48 Rematen los trabayos d’ellaboración del planiamientu de la Isla de la Innovación d’Avilés cola intención de tramitalu de manera paralela al estudiu informativu de la barrera ferroviaria. Establécense delles fases d’execución, la primera venceyada a l’ampliación del Parque Científico y Tecnolóxico d’Avilés pa la instalación de nueves actividaes venceyes a la innovación. El documentu de planiamientu que desenvuelve’l nuevu espaciu de desenvolvimientu urbanu ya infraestructures d’Avilés nel ámbitu denomináu “Isla de la Innovación” yá ta concluyíu y completu nel so conteníu. Pa la so redacción definitiva, la UTE contratada tenía l’encargu d’afaer el planiamientu de la Isla de la Innovación a la realidá urbana actual y al actual contestu económicu y d’infraestructures. Como nun podía ser d’otra manera, el planiamientu ellaboróse tomando como base’l nuevu allugamientu del ferrocarril consensuáu col Ministeriu de Fomentu, crea una nueva estación intermodal y una nueva centralidad ufiertando por fin una imaxe urbana a los accesos al conceyu dende la AI-81. La resultancia final, de la qu’esta selmana informaron los técnicos municipales, foi posible dempués de complexos y dilataos trabayos y conversaciones col Ministeriu de Fomentu, l’Autoridá Portuaria, la Confederación Hidrográfica, el Ministeriu de Mediu Ambiente, Mariñes, la Conseyería d’Infraestructures …. La Revisión de Plan Xeneral, el so documentu ambiental y el Plan Especial que desenvuelve la Nueva Centralidad respuenden a un oxetivu fundamental: una vegada que sía aprobáu va poder ser desenvueltu y executáu por fases de manera que la nueva centralidad s’algame de manera progresiva con un desenvolvimientu urbanu a un ritmu de crecedera correcta y fayadizu a les prioridaes d’Avilés y al contestu económicu. Estes prioridaes son: Crecedera del Parque Tecnolóxicu Avilés Isla de la Innovación: una espansión fundamental de la parte loxística y tecnolóxica del PEPA. Meyora de la imaxe de los accesos dende la AI-81 y, en conexón col nuevu accesu al PEPA, amenorgamientu importante de los tráficos rodaos por desplazamientos de trabayu na Ponte Cálcer. Abrir definitivamente una vía d’accesu al traviés de viario públicu al muelle de cruceros y al Centru Niemeyer.Más información 0 FacebookTwitterPinterestEmail Anterior Suatea pide homologar el sueldu los docentes asturianos a los del restu siguiente Xovellanos va protagonizar les celebraciones del Día Internacional del Llibru n’Avilés Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU