Portada Lliteratura Remata en Xixón una edición más de l’Arribada

Remata en Xixón una edición más de l’Arribada

by asturnet

Esta fin de selmana remata la edición de l’Arribada 2011 en Xixón. El vienres va dedicase a la presentación de les novedaes últimes de Miguel Rojo, Xabiero Cayarga, Adolfo Camilo Díaz, Pilar Sánchez Vicente y Xuan Xosé Sánchez Vicente, amás d’un alderique sobre la novela asturiana y la música de Taranus.

El sábadu pela mañana va dedicase al ensayu, cola presentación de “Incompetentes y autoritarios. La industria de Xixón dende l’autarquía al desmantelamientu” de David M. Rivas, “De totalitarios a demócrates” de Pablo Rodríguez Alonso, “De les coses del mundu (1)” d’Ignaciu Llope y l’alderique “La realidá propio nel ensayu asturianu”.

Yá de tarde, de magar les cinco, va presentase “Portugal, país, posada y paraíso” d’ Ángel García Prieto y Daniel Gouveia. Darréu va celebrase un recital de Sabel de Fausta y va proyectase’l documental “Barriu de Cimavilla” al que va siguir la presentación de “Sucedió aquí” de Miguel López García.

A les siete y media van entregase los Premios Timón, cuntando cola Actuación del Cuarteto Antolín de la Fuente.

El domingu, a la una, preséntase, “Antón quería ser porteru” de Xurde Fernández y David Fernández, con illustraciones de Francisco Pimiango.

Tamién te podria gustar