Refugu de los sindicatos a la repartida de places na oposición de Secundaria

Refugu de los sindicatos a la repartida de places na oposición de Secundaria
21 febreru 19:23 2018 Imprimir

El refugu de los sindicatos a la repartida de places na oposición de Secundaria n’Asturies manifestose ayeri coincidiendo pa cola manifestación docente que pidia les 18 hores. Pa Suatea la convocatoria ye «un verdaderu ERE para’l profesoráu interín».

La distribución por especialidaes de les 639 places que va incluyir anguaño la convocatoria d’oposiciones pa docentes de Secundaria y Formación Profesional realizada pola Conseyería d’Educación nun convenció a los sindicatos. En Secundaria de les 538 places, 358 van ser d’accesu llibre y 180 de promoción interna. Y en FP va haber 101 d’accesu llibre. Del total de puestos d’accesu llibre, va acutase’l 7% para persones con discapacidá nesta ufierta pública d’empléu.

Al detalle, Filosofía va tener 13 d’accesu llibre y 19 de promoción interna; Llingua Castellana y Lliteratura, 54 y 26; Xeografía y Hestoria, 19 y 6; Matemátiques, 55 y 27; Física y Química, 53 y 26; Bioloxía y Xeoloxía, 18 y 10; Francés, 16 y 12; Inglés, 50 y 28; Educación Física, 9 y 4; Orientación Educativa, 19 y 4; Tecnoloxía, 15 y 19; Asesoría y Procesos d’Imaxe Personal, 5 y 2; Hostelería y Turismu, 12 y 7; Caltenimientu de Vehículos, 6 y 3; Fabricación Mecánica, 9 y 4; Producción Agraria, 3 y 2; y Medios de Comunicación, 2 y 1. En FP, Cocina y Pastelería, 12; Estética, 9; Instalaciones Electrotécnicas, 16; Llaboratoriu, 4; Caltenimientu de Vehículos, 18; Peluquería, 5; Diagnósticu Clínicu y Ortoprotésico, 7; Procedimientos Sanitarios, 12; Aplicaciones Informátiques, 7; ya Imaxe y Soníu, 11.

Una repartida que Suatea califica de «verdaderu ERE del profesoráu interín», nuna rexón onde la tasa d’interinidá «supera’l 32%». Esti sindicatu sollerta de qu’hai especialidaes nes que se saquen a concursu tou les places esistentes y ve «fundamental» que s’axuste un nuevu alcuerdu d’interinidá. «Esta convocatoria ye una nueva vuelta de tuerca a les condiciones del interín», acometió Suatea.

Refuga tamién la distribución Comisiones Obreres, que cree qu’esta convocatoria «consagra la precarización y temporalidá a la que se conderga al profesoráu asturianu nos próximos años». La negociación, aseguró Comisiones Obreres, «rellumó pola so ausencia». El Gobiernu rexonal, afondó, «perdió» una oportunidá para convocar una OPE de mayores dimensiones.

Y ANPE llamenta que se conoza la distribución a malpenes cuatro meses de les pruebes, lo que dexa «bien pocu marxe» a el opositores. «Queremos conocer cuanto antes les característiques de les pruebes y los sos criterios d’evaluación», dixo esti sindicatu, que tamién pide facilidaes por que los interinos tengan permisos llaborales p’allegar a la convocatoria.

  Categories: