Reeditase remasterizáu ‘Forever young’ de Alphaville

Forever young, l’emblemáticu álbum de debú de la banda alemana de “synthpop” Alphaville, publicáu en 1984, va volver al mercáu’l próximu 15 de marzu con una nueva edición que va incluyir el so soníu remasterizado per primer vegada y grabaciones inédites.

Con clásicos de la dómina como Big in Japan o’l famosu corte que-y daba títulu, el discu va tar disponible en dellos formatos, destacando una edición “Super Deluxe” qu’incorpora trés CD, un DVD y un vinilu. Nella va ser posible atopar los singles orixinales, versiones y cares B, según dalgunes de les primeres composiciones de Alphaville n’alemán.

Never grow up – The story of Forever Young ye’l títulu del DVD que va acompañar esti llanzamientu, colos videoclips orixinales de Forever Young, Big in Japan, The Jet Set y Sounds like a Melody, y entrevistes recién con dos de el fundadores del grupu al pie de Frank Mertens, Marian Gold y Bernhard Lloyd, y con el productores del álbum orixinal, Colin Pearson y Wolfgang Loos.

La caxa Super Deluxe completase con un llibretu de 24 páxines, en tamañu de vinilu, creáu pol director d’arte del álbum orixinal n’estrecha collaboración cola mesma banda, que contien numberoses semeyes, cites y notes de producción, munches d’ellos inédites, escrites pela banda y otru collaboradores.