Recital d’autores de Formientu col coleutivu Fame Poétika

27 xunetu 15:13 2017 Imprimir

La revista de lliteratura moza Formientu va tar acompañada del coleutivu Fame Poétika en Xixón, nun recital dientro del marcu del festival Arcu Atlánticu esti vienres 28 de xunetu.

El recital tará coordináu pol poeta Diego Solís, ún de los poetes mozos más activos y prometedores d’Asturies. Y podrán apuntase toles persones que lo deseen, especialmente les que quieran lleer testos propios n’asturianu u otres llingües protagonistes del festival (como’l vascu, galllegu, bretón…), anque esto nun ye fundamental. Como ye vezu, nesti tipu d’eventos, agradécense les participaciones ya seya de músicos, poetes o artistes de tou tipu que quieran acercase a esti puntu d’alcuentru pal arte en direutu que nesti casu va ser na Plaza de Tabacos de Cimavilla.

Pa los que quieran apuntase, pueden comunicalo al travíes de les sos plataformes y redes sociales (Facebook, Twitter, Instagram, Gmail…), toes col nome de la revista Formientu o el colectivu Fame Poétika. L’actu del vienres va entamar a les 21 hores nel espaciu acondicionáu del Arcu Atlánticu na Plaza de la Fábrica de Tabacos, o lo que ye lo mesmo Periodista Arturo Elías, unos de los puntos d’alcuentru del barriu de Cimavilla.

  Categories:
Loading Facebook Comments ...