Portada Música Recala en Llugones l’espectáculu “Trés cantares, trés cuadros”

Recala en Llugones l’espectáculu “Trés cantares, trés cuadros”

by redacción asturnews

Empobináu pol equipu artísticu de “Cúntame un cuadru”, “Trés cantares, trés cuadros” ye un espectáculu qu’amuesa por mediu de la música, la hestoria del arte y la pintura, la violencia exercida sobro les muyeres a lo llargo de la hestoria. La cita ye esti miércoles 5 d’avientu, a les 18.30 hores, na Casa de Cultura de la localidá.

De la mano de la historiadora del arte, Patricia Pérez, vamos  analizar el rol que representaron les muyeres na mayor parte de les obres d’arte de la hestoria, averaremos a dalgunos de los casos más conocíos de violencia machista nel arte, y pa terminar, vamos afayar la hestoria d’una gran maestra del Arte, Artemisia Gentilleschi que la so vida ye un exemplu de llucha y empoderamiento.

Detalles de trés obres, pintaes o protagonizaes por muyeres, Artemisia Gentilleschi, Maruxa Mallo y Les Señorites de Avignon de Picasso, van enllenar un gran llenzu en blancu de la mano de l’artista, Itziar Sánchez.

Mientres el llenzu enllenase d’imaxes, l’ambiente arriquez con música, esfrutando de temes de conteníu feminista, interpretaos en directu pola cantautora, Noelia Veira, y rellacionaos col argumentu de la charra, que van poner la nota musical al eventu.

En “Trés cantares, trés cuadros: Contra la violencia sobro les muyeres” vamos conocer per mediu de la música, la hestoria del arte y la pintura, la violencia exercida sobro les muyeres a lo llargo de la hestoria, bien en forma de violencia moral, callando los sos nomes, o bien, per mediu de la violencia física, normalizando esti tipu de conductes nes obres d’arte.

“Trés cantares, trés cuadros: Contra la violencia sobro les muyeres” ye un eventu financiáu pol  Gobiernu del Principáu d’Asturies y el Ministeriu de Presidencia ya Igualdá y entamáu por Cunta me un cuadru.

Tamién te podria gustar