Raquel Meyers estrena’l so vídeu animación “Vladijenk II” en La Ventana de la Factoría

Raquel Meyers estrena’l so vídeu animación “Vladijenk II” en La Ventana de la Factoría
28 febreru 11:07 2020 Imprimir

L’III Ciclu de Videoarte “La Ventana de la Factoría” estrenó ayeri una vídeo proyección de Raquel Meyers dende les 20 hasta les 22 hores en La Ventana de la Factoría. La obra titúlase “Vladijenk II” y va podese visionase dende’l 27 de febreru hasta’l 17 de marzu.

“Vladijenk II” ye una animación realizada nel ordenador Commodore 64 y construyida calter a calter. Esti viaxe al pasáu onde reina la señardá ta representáu por unos calteres en brutu y ensin adornos. Un aventura en manera testu sobre’l futuru y la tecnoloxía.

L’autora d’esti vídeu ye l’artista multidisciplinar Raquel Meyers, que define’l so trabayu como “mecanografía espandida con calteres de testu y retícules”. Con tecnoloxía retro ellabora les sos obres contemporanees. Fotograma a fotograma, símbolu a símbolu, propón un descensu al país de les maravíes onde’l tiempu detiense y el caos reina.

Dende 2004 el so trabayu foi amosáu en centros d’arte, galeríes y festivales como Llaboral, Transmediale, Xpo Gallery, La Casa encendida, Ars Electronica, Mataderu, BilbaoArte, CCCB, iMAL, Liste Art Fair Basel, The Wrong – New Dixital Art Biennale, La Gaîté lyrique, Tokyo Blip Festival, Square Sounds Melbourne, VISION’R, Mapping, Cimatics, LEV, MFRU, BEK, Haus der Kulturen der Welt, MID_Y.

  Categories: