Ramón d’Andrés gana’l Máximo Fuertes Acevedo d’ensayu

Ramón d’Andrés gana’l Máximo Fuertes Acevedo d’ensayu
05 setiembre 23:48 2021 Imprimir

El profesor de la Universidá d’Uviéu Ramón d’Andrés ye’l ganador de la cabera edición del Premiu Máximu Fuertes Acevedo d’ensayu en llingua asturiana cola obra titulada “La ciencia ensin enfotu”.

El premiu que concede añalmente la Conseyería de Cultura, Política Llingüística y Turismu tuvo esti añu como xuraos al director xeneral de Política Llingüística, Antón García, les profesores Marta López y María Cueto; la escritora y filóloga Beatriz Quintana; el filólogu Jorge Arturo Sierra, y el músicu Xune Elipe, ganador de la pasada edición del galardón, actuando la filóloga del serviciu de la dirección xeneral Lourdes Álvarez como secretaria.

Los miembros del xuráu destacaron que’l trabayu de Ramón de Andrés “ye un manual básicu para abrir los güeyos de cualesquier, filólogu o non, sobro la ciencia y la non-ciencia que consumimos, asimilamos y creemos al falar de llingües nel día ente día”.

Ramón d’Andrés (Madrid, 1959), ye profesor titular de Filoloxía Española y Asturiana na Univesidad d’Uviéu y el so currículu investigador venceyase a temátiques rellacionaes col asturianu. Foi redactor de les Normes Ortográfiques y del Diccionariu de l’Academia de la Llingua Asturiana de la que ye miembru de númberu. El premiu ta dotáu con 6.000 euros.

  Categories:
Loading Facebook Comments ...