Comunicación Radio Sele entama una campaña pa denunciar la ocupación illegal de la so frecuencia by asturnet 21 d'avientu, 2005 written by asturnet 21 d'avientu, 2005 37 Los responsables de Radio Sele entamaron una campaña d’información mediática pa denunciar la situación na que s’alcuentra la emisora un añu después de recuperar la so llicencia comercial. La radio que dirixe Xuanxo Mariño afirma qu’otra emisora ocupa illegalmente la so frecuencia y clamia contra la pasividá cola que les autoridaes autonómiques siguen ensin solventar les dos denuncies presentaes pa recuperar el so dial. Responsables de Radio Sele y de la Xunta pola Defensa de la Llingua aconceyaron esti martes 20 cola diputada del grupu parlamentariu d’Izquierda Xunida-Bloque por Asturies Paloma Uría pa tresllada-y el so esmolecimientu sobre la peculiar situación d’allegalidá na que tien d’actuar la emisora al pesar de cuntar con una llicencia concedida pol gobiernu del Principáu y reconocía va poco más d’un añu por sentencia del Tribunal Superior de Xusticia d’Asturies. El puntu 97,9FM asignáu oficialmente pa Radio Sele ta ocupáu d’abenayá por Radio Punto, una emisora irregular a la qu’hasta la fecha nenguna autoridá-y tien torgao les sos actividaes como ‘okupa’ d’una frecuencia concedida a otra emisora. Radio Sele fue la primer emisora en llingua asturiana a la que se-y concedió una llicencia comercial. Recibió la concesión de manes del últimu gobiernu presidíu por Sergio Marqués y tres la llegada a la presidencia del executivu autonómicu del primer gobiernu d’Areces, Radio Sele vio retirada la so llicencia. Va poco más d’un añu el Tribunal Superior de Xusticia d’Asturies devolvió-y a Radio Sele la llicencia. Anguaño la decana de les radios n’asturianu tien d’emitir nuna situación d’irregularidá dende’l 106,5FM y dende la so páxina web. Radio Sele OnLine 0 FacebookTwitterPinterestEmail Anterior La revista Lliteratu dedica’l so númberu 3 a los autores mozos en llingua asturiana siguiente El dominiu .cat ta ya colgáu na Rede como referencia de sitios web de la comunidá llingüística catalana Tamién te podria gustar La normalización llingüística afitase dafechu nel Parlamentu La Delegación asturiana en Lorient protagoniza la xornada... Blanca Fernández foi la pregonera de la XXVII... Los partíos nacionalistes d’Asturies descarten presentase a la... La TPA recupera 40 años depués el resume... El Principáu y la UOC firmen un conveniu... David Guardado presentó “Nunca Vencida” en Xixón Asturies destaca en comprensión llectora AFA presenta na Escuela Comerciu de Xixón el... Uviéu programa’l ciclu Vetusta Jazz con artistes como...