Portada Tecnoloxía Radiadora collabora con Croacia, Estonia, Portugal, Eslovenia ya Italia

Radiadora collabora con Croacia, Estonia, Portugal, Eslovenia ya Italia

by redacción asturnews

Radiadora, la radio online del Serviciu de Mocedá del Conceyu d’Avilés participa estos díes en Youth Voice through a European dixital radio, una rede europea de radios dixitales na que tamién van tar presentes nuevos d’Italia, Croacia, Estonia, Portugal, y Eslovenia, que se va celebrar na ciudá italiana de Bari.

Del 6 al 10 d’avientu Fabio Meazza -que foi voluntariu européu n’Avilés,  onde s’instaló en rematando’l so voluntariáu- y Penélope Proenza -encargaos de dinamizar Radiadora-  tan participando nun proyectu européu que’l so oxetivu ye escuchar y conectar a mozos de toa Europa.

Radiadora tien más de diez años de trayectoria, na que moces, en grupu o de forma individual, fórmense y desenvuelven programes que se graben nel Edificiu Fueru. Pueden descargase los programaas al traviés de la so propia páxina de Facebook (Radiadora Avilés) y la plataforma Mix Cloud.

N’abril de 2021, Radiadora.org participó nun cursu de formación online financiáu por Erasmus+ y entamáu pola Axencia Nacional Italiana sobro radios dixitales Europees. Agora toca la segunda parte, en formatu presencial, que se va llevar a cabu la próxima selmana en Bari, Italia, y a la que van allegar Fabio Meazza y Penélope Proenza como coordinadores d’esti proyectu municipal.

Tratase d’una “Partnership-building Activity”, una actividá pa la creación de cooperación ente distintes entidaes, que yá se empezar nel cursu mentáu. Representantes de delles asociaciones o axencies nacionales van siguir col desenvolvimientu de dicha rede ente radios xuveniles.

Esta actividá foi concebida coles mires de dar voz a la mocedás y brindar espacios pal so desenvolvimientu personal: les Axencies Nacionales d’Italia, Croacia, Estonia, Portugal, Eslovenia y España, partiendo de que les/vos moces precisen espresar les sos opiniones ya idees al traviés de ferramientes dixitales, que son cada vez más importantes pa les interacciones humanes, proponen esta actividá col oxetivu principal d’escuchar y conectar a mozos de toa Europa, por aciu la creación d’una rede europea de radios dixitales. Esto tamién cumple cola necesidá de desenvolver y sofitar procesos de participación continua, inda abondo coherentes colos valores y programes europeos.

Más información

Tamién te podria gustar