RADAR rinde homenaxe a John Ford con un ciclu qu’entama esti xueves, cola película “El delator”

La programación cinematográfica de la FMC RADAR rinde homenaxe a John Ford con un ciclu qu’entama esti xueves, cola película “El delator”, y que va acoyer tamién un tributu a Nino Rota con siete películes coles bandes sonores del célebre compositor italianu, como Fellini 8 ½, Amarcord y El padrín.

La selección del próximu trimestre inclúi tamién clásicos en V.O.S. como Casablanca y ¡Qué bellu ye vivir!, amás d’ésitos del cine más recién como Un asuntu de familia, de Hirokazu Koreeda •Toles sesiones de RADAR van tener llugar nel Teatru Filarmónica. Los xueves a les 20.00 hores y los domingos a les 19:30 hores. La entrada ye llibre hasta completar aforu.

Radar empezó 2019 revisitando la carrera d’una de les grandes estrelles del Hollywood clásicu, Humphrey Bogart. En primavera rindióse al talentu arrollador de la mítica Bette Davis y, pel branu, a la dulzura de Audrey Hepburn. La programación cinematográfica de la Fundación Municipal de Cultura d’Uviéu va rematar l’añu con dos grandes de la hestoria del cine: l’influyente John Ford, maestru de maestros, y Nino Rota, célebre compositor de bandes sonores inolvidables como les de Amarcord o El padrín.

N’ochobre, payares y avientu, “el Teatru Filarmónica” vuelve abrir les sos puertes al cine calidable: dende clásicos que son auténtiques xoyes de la cinematografía mundial, a películes contemporanees qu’amuesen el pulsu de directores aclamaos tantu pola crítica como pol públicu. Para zarrar l’añu, Radar va ufiertar 26 producciones” de Xapón, Francia, Italia, Reinu Uníu, Exiptu, Alemaña, Estaos Xuníos, Islandia o Rusia. Con estes palabres, el conceyal y presidente de la Fundación Municipal de Cultura, José Costillas, presentó esta mañana, na Filarmónica, la III edición de RADAR, acompañáu del programador del ciclu, Pablo de María. “El programa centrase nos 125 años de la nacencia de John Ford foi un cineasta d’una filmografía descomanada. Por ello va incluyir cuatro películes poles que Ford llogró l’Óscar al meyor director: El delator, proyección cola que va arrincar el ciclu, el próximu xueves, día 3; Les uves de la roxura, ¡Qué verde yera’l mio valle! y El home sele”, comentó Costillas, ensin escaecer l’homenaxe, incluyíu nel ciclu, a unu de el autores de bandes sonores más reconocíos de tolos tiempos. Nino Rota, fináu fai 40 años, creó música para películes de Fellini, Visconti, Zeffirelli, Vidor y Coppola, ente otros.