¿Quies participar nel nuevu filme de Scorsese? DiCaprio y De Niro convídente

Los actores Leonardo DiCaprio y Robert De Niro vienen cabante de convídar a tolos fans a participar nel nuevu filme de Martin Scorsese “por una bona causa”.

La crisis sanitaria desamarrada pol coronavirus ta faciendo estragos en munchos países, ente ellos Estaos Xuníos, con más de 28.000 finaos. Pa desaniciar les consecuencies, los actores Robert De Niro y Leonardo DiCaprio quixeron ufiertar el so granín d’arena poniendo en marcha una peculiar puya benéfica na que los ganadores van poder participar nel rodaxe de la película que dambos preparen al pie de Martin Scorsese y darréu allegar a la premiere de Killers of the Flower Moon , que’l so estrenu ta previstu pa 2021.

La iniciativa forma parte del retu All In Challenge qu’empezó l’empresariu Michael Rubin, nel que delles celebridaes puyen esperiencies cola fin de recaldar donaciones pa delles iniciatives solidaries que traten de desaniciar los efectos que la pandemia ta provocando ente los más vulnerables.

Ver esta publicación en Instagram

We recently launched #AmericasFoodFund to help make sure every family in need gets access to food at this critical time. Our most vulnerable communities need our support now more than ever. That’s why we’re asking you to help us with the #AllinChallenge. If you’ve ever wondered what it’s like to be able to work with the great @martinscorsese_, Robert De Niro and myself, this is your chance. Robert and I are going to be starring in a new movie called Killers of the Flower Moon, directed by Martin Scorsese. We want to offer you a walk-on role, the opportunity to spend the day on the set with the three of us, and attend the premiere. To take part, please go to allinchallenge.com and donate whatever you can. 100% of your donation will go to @MealsonWheelsAmerica, @NoKidHungry and #AmericasFoodFund (@wckitchen & @feedingamerica) @officiallymcconaughey, @theellenshow and @iamjamiefoxx, will you go all in with us?

Una publicación compartida de Leonardo DiCaprio (@leonardodicaprio) el 15 Abr, 2020 a las 5:44 PDT

DiCaprio fixo’l so anunciu nun vídeu de Instagram nel que tamién apaez Robert De Niro.

“Si dalguna vegada preguntasti cómo ye trabayar col gran Martin Scorsese, Robert De Niro, y yo mesmu, esta ye la to oportunidá”, escribía. “Robert y yo vamos ser protagonistes d’una nueva película llamada Killers of the Flower Moon, dirixida por Martin Scorsese. Queremos ufiertate un papel ensin cita previa, la oportunidá de pasar el día nel set de rodaxe con nós, y asistir a la premiere. Pa participar, por favor visita allinchallenge.com y dona lo que puedas“. Toles donaciones dirán parar a les organizaciones Meals on Wheels America, Non Kid Hungry y America’s Food Fund”.

Dellos famosos tamién pueden donar al fondu, amás d’ufiertar la so esperiencia, como’l casu de Ellen Dexeneres, quien apurrió un millón de dólares y puya la posibilidá de presentar al pie de ella’l so programa de televisión, The Ellen Dexeneres Show. Una vegada que s’acepta’l retu, tiense que nomar a otra celebridá.

Amás de Dexeneres, tanto De Niro como DiCaprio convidaron a Matthew McConaughey y Jamie Foxx. McConaughey yá aceptó y puya allegar a un partíu de fútbol al pie de él na Universidá de Texas, amás nomó a Jimmy Kimmel y Jonah Hill.

Tres L’irlandés, la obra crepuscular sobro la mafia nomada a diez premios Oscar, Scorsese prepara’l so nuevu trabayu, que ta basáu nel llibru homónimu de David Grann, centráu nos asesinatos de la Nación Osage en 1920. D’esta forma, el títulu va siguir la investigación del acabante crear FBI sobro les muertes de los miembros d’esta tribu de nativos americanos. DiCaprio y DeNiro vuelven coincidir xuntos delantre de la cámara dempués de Vida d’esti mozu (1993) y el curtiu de Scorsese The audition (2015).