Escéniques ‘Puertas abiertas’ entama escenAvilés con una reflexón sobro’l mieu by redacción asturnews 14 de xineru, 2022 written by redacción asturnews 14 de xineru, 2022 2,7K #Puertas abiertas” entama escenAvilés con una reflexón sobro’l mieu con Cayetana Guillén Cuervu y Ayoub El Hilali protagonizando nel Teatru Palacio Valdés el debú como dramaturga de Emma Riverola, basáu nos atentaos de París de 2015, con dirección d’Abel Folk. El 2022 empieza con fuerza en escenAvilés, con un drama que convida a cavilgar sobro’l mieu, la violencia y los prexuicios en Puertes abiertes”, cola fonderada de los atentaos de 2015 en París. Nel Teatru Palacio Valdés el vienres 21 de xineru, a les 20.15 hores. Les entraes tán a la vienta nes canales habituales, la taquilla de la Casa de Cultura y la web https://entraes.liberbank.es/palaciovaldes, con precios d’ente 12 y 22 euros, en función del allugamientu nel teatru. “Puertes abiertes” ye’l debú como dramaturga de la periodista y novelista Emma Riverola, que s’inspiró nos asesinatos de payares de 2015 la sala Bataclan, tres los cualos los parisinos abrieron les sos cases a les persones que fuxíen poles cais preses de la llerza. Un movimientu que s’etiquetó na rede social Twitter como portesouvertes, del que la obra toma’l nome. La función, dirixida por Abel Folk, preséntase como un duelu interpretativu entre Cayetana Guillén Cuervu y Ayoub El Hilali. Ella, anfitriona solitaria nel so llar. Él, un desconocíu que busca abelugu na casa que se-y abrir. La representación tuvo acompañada pol ésitu col públicu dende’l so estrenu, destacando’l peraltu nivel de les actuaciones de Guillén Cuervu y El Hilali, en que la so interpretación tien gran carga la espresividá corporal, que cuntó cola ayuda de la coreógrafa Ariadna Peya. La obra ye una coproducción de Hold-Principal, Focus, l’Institutu Catalán d’Empreses Culturales ICEC y el Teatru Español, cola collaboración de Sony y Muncho Aselu, productora fundada por Cayetana Guillén Cuervu. 0 FacebookTwitterPinterestEmail Anterior Abiertes les inscripciones pa los concursos del Antroxu en Xixón siguiente La VI Esposición Internacional d’Arte Postal d’Avilés escueye a Carmen Peláez Tamién te podria gustar Nun Tris abre les Xornaes del Festival Nel... Tatxers, Skabidean y la nueva escena musical Navarra... El Grupu de Teatro San Félix de Valdesoto... Los estudiantes de Primaria van averase al Teatru... La Estaya de la Llingua festexó’l Día Mundial... Dos muyeres nos marxes nel estrenu de la... Cirque du Soleil torna a Xixón con OVO... La zarzuela torna al Palaciu Valdés con “Yo... Lluz de Gas Teatru actúa en Llugones “En tierra estraña” ye la primer función accesible...