Lliteratura Publicase l’últimu llibru perdíu de J.R.R. Tolkien by redacción asturnews 3 d'abril, 2019 written by redacción asturnews 3 d'abril, 2019 31 La última ayalga de la Tierra Media vieno acabante de publicase esti mes. La editorial Minotauru sacó estos díes a la cai La cayida de Gondolin de J.R.R.Tolkien (1892-1973), nuna versión editada pol so fíu y albacea Christopher, de 94 años, ya ilustrada por Alan Llee. La ciudá cercada de Gondolin, despinta ente los montes y construyida polos elfos Noldor, yera yá conocida por tolos llectores d’El Silmarillion. Ello ye que La cayida de Gondolin nun ye más que la versión definitiva –y bien ampliada– d’unu de los grandes relatos qu’hai n’El Silmarillion. Ellí ocupaba unes poques páxines y agora espandióse hasta ocupar 300, lo qu’inclúi les esplicaciones de Christopher. Ye, por tanto, unu de los inéditos más destacaos que fueron apaeciendo nos postreros cuarenta años. Con La cayida de Gondolin ciérrase un ciclu empecipiáu con Los fíos de Húrin y siguíu con Beren y Lúthien, la hestoria d’amor ente un home y una princesa elfa que s’inspira na que vivió’l mesmu Tolkien cola so esposa Edith, los padres de Christopher. Los fechos asoceden milenios antes d’El señor de los aniellos. Ente los sos personaxes, figuren Turgon, rei fundador de Gondolin; Morgoth, el primer Señor Escuru, al mandu de los orcos y los balrogs; o Ulmo, el poderosu protector de la Tierra Media. Xuna gran batalla ente la lluz y les tiniebles va acabar con un mapa de exiliados de Gondolin. En mayu ta previstu l’estrenu d’una película que reflexa’l períodu en que Tolkien escribió esti llibru. Muncho primero d’El hobbit o El señor de los aniellos, trabayó denodadamente no que creía diba ser la gran obra de la so vida yá en 1917, mientres se recuperaba de la llamada fiebre de les trincheres nel hospital. 0 FacebookTwitterPinterestEmail Anterior La rede Canoa busca internacionalizar la cultura n’español siguiente Abiertu’l plazu de matrícula nos Talleres Infantiles d’Avilés (TIA) de Selmana Santa Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...