Portada Comunicación PSOE ya IX-BA proponen a Fernández Porrón pa presidir el Conseyu de RTPA

PSOE ya IX-BA proponen a Fernández Porrón pa presidir el Conseyu de RTPA

by asturnet

L’ex alcalde socialista de Mieres Misael Fernández Porrón ye’l candidatu propuestu conxuntamente polos grupos parlamentarios del PSOE y d’Izquierda Xunida-Bloque por Asturies pa presidir el Conseyu d’Administración de la Radio Televisión del Príncipáu d’Asturies (RTPA) tres la dimisión de Bernardo Díaz-Nosty. Porrón súmase a los otros dos ex alcaldes socialistes nel organismu cimeru del Ente Públicu.

La mesa de la Xunta Xeneral va decidir esti miércoles 28 l’aceptación del candidatu pa ocupar la presidencia del Conseyu de RTPA, muérganu executivu del Ente nel que tán presentes dende la so puesta en marcha otros antiguos cargos públicos del PSOE como l’ex rexidor de Valdés, Jesús Landeira o el de Llanes, Manuel Amieva, amás de la ex conseyera de Trabayu, Angelina Álvarez.Nel Conseyu tamién tán propuestos pol PSOE ya IX-BA, la notaria Montserrat Martínez, la economista María Luzdivina Rodríguez, l’escritor Francisco Alonso, el profesor de la Universidá d’Uviéu Benito Aláez y el escritor Adolfo Camilo Díaz

El primer presidente del Conseyu d’Administración del Ente Públicu, el caderalgu de Comunicación Bernardo Díaz-Nosty, un independiente, presentó la so dimisión del cargu va unos meses por razones personales. Fernández Porrón, alcalde socialista de Mieres hasta les últimes elecciones municipales, va ser el presidente del Conseyu de la RTPA embaxo’l que escomiencen les primeres emisiones de la parriella de programación, tres finar el periodu de prebes, una realidá que va visualizase dientro de delles selmanes, si se cumplen los plazos previstos polos responsables de la televisión autonómica.

Tamién te podria gustar