Proyéctase’l documental “Peligro, ¡Trabajo!” nel centru cultural Antiguu Institutu

Esti miercoles 30 de xineru continuen los actos programaos na Selmana del Aula Popular Jose Luis García Rúa de Xixón col pase del documental “Attention Danger Travail” ! (Peligro ¡Trabajo!) producíu por Annie González. La cinta yá participó con esitu nel Festival de cine documental de Zaragoza, nel Festival Nouveau Cinema de Montreal y ne Festival Resistances y Foix. Na esibición del documental, a les 19:00 hores nel Centru de Cultura Antiguu Institutu, va tar presente la propia productora ya’l presidente del Ateneu Obreru de Xixón, Luis Pascual.

La edición d’esta selmana d’actividaes ta organizada pol Aula Popular Jose Luis García Rúa, la Sociedá Cultural Xixonesa, Radio Kras, Teatru La Máscara, l’asociación Sestaferia y l’Ateneu Obreru de Xixón. Tamien cunta col sofitu de la Fundación Municipal de Cultura, Educación y Universidá Popular del conceyu de Xixón.