Portada Cine Proyéctase en La Pola la película “Escoréu, 24 d´avientu de 1937”

Proyéctase en La Pola la película “Escoréu, 24 d´avientu de 1937”

by redacción asturnews

De la mano de Llaboral Cinemateca Ambulante, la cinta de Ramón Lluís Bande “Escoréu, 24 d´avientu de 1937” va ser proyectada esti martes 12 de xunu, a les 20 hores, nel Teatru Auditoriu de La Pola, en Siero.

Los hermanos Manuel y Ángel Fernández celebraben la cena de Nuechebona na casa familiar de Escoréu (Pravia) el 24 d’avientu de 1937, cuando un conocíu falanxista local picó, pistola en mano, para dici-yos que teníen que dir declarar. Nel esterior de la casa, otros falanxistes esperen n’una furgoneta.  A menos de kilómetru y mediu, los dos hermanos son asesinaos. Ochenta años dempués, l’Asociación pa la Recuperación de la Memoria Histórica (ARMH) y la Sociedá de Ciencies Aranzadi busquen los sos restos. Esos trabayos van conectar dos dómines, poniendo n’evidencia cómo’l  paisaxe escuende una realidá que condiciona’l nuesu presente colectivu.

– – – – –
Añu: 2017
Duración: 67 min.
Idioma: castellán, asturianu
País: España
Director: Ramón Lluís Bande
Producción: Vera Robert
Guión: Ramón Lluís Bande
Fotografía: Juan A. García
– – – – –

Sección Rellumes del Festival Internacional de Cine de Xixón 2017; Sección “Un impulsu colectivu 2018” del D´A Filme Festival de Barcelona; Festival Internacional de Cine Independiente de Bonos Aires (BAFICI) 2018; DocumentaMadrid

Tamién te podria gustar