Prorrogada la esposición “El Señor de la Mar. Pedro Menéndez d’Avilés” hasta’l 12 de xineru de 2020

Esta selmana quedó prorrogada la esposición “El Señor de la Mar. Pedro Menéndez d’Avilés” hasta’l 12 de xineru de 2020 tres del ésitu algamáu dende que pue visitase, dende’l pasáu 4 de mayu, na Casa Municipal de Cultura.

La esposición “El Señor de la Mar. Pedro Menéndez d’Avilés” enllarga la so estancia na Casa Municipal de Cultura y va poder visitase hasta’l 12 de xineru de 2020. L’amuesa, abierta al públicu dende’l pasáu 4 de mayu, ye unu de los actos principales del programa conmemorativo del V Centenariu de la nacencia de Pedro Menéndez d’Avilés.
cartelu anunciador de la prórroga cartelu anunciador de la prórroga

Unu de los oxetivos principales de tol programa ye averar la figura del Adelantráu a les xeneraciones más nueves. Por esti motivu, y cuntando cola collaboración del Muséu Naval de Madrid que venció importantes pieces y documentos a l’amuesa, tomóse la decisión d’enllargala. D’esta forma, podrá atendese tantu al públicu xeneral interesáu na amuesa, como a los centros escolares. Con esta motivación divulgativa, van realizase visites destinaes al públicu infantil y xuvenil, al traviés de los distintos centros educativos del conceyu d’Avilés. L’horariu d’esposición al públicu va ser l’habitual de la sala: de llunes a sábados llaborables, de 11:00 a 13:00 y de 18:00 a 21:00 hores. Domingos y festivos de 11:00 a 14:00 hores.

“El Señor del Mar. Pedro Menéndez d’Avilés”  pon en contestu distintos momentos de la vida del  marín y presenta al públicu un material amplio y diverso, dende reproducciones de los barcos más emplegaos por L’Adelantráu, como’l San Pelayo o los galeones agalerados” diseñaos por él. Pero tamién paneles esplicativos, reproducciones, mapes de la dómina, cartes, documentos, o material audiovisual como la reconstrucción en 3D del primer mapa completu del asentamientu que fundó: San Agustín de la Florida. La esposición estrémase en delles fasteres:

• Les sos fazañes antes de reconquistar de La Florida, dende cazador de pirates, a marín d’enfotu pal príncipe Felipe, futuru monarca como Felipe II.
• “El señor del Atlánticu”, el principal marín de la corona española nel océanu, pero tamién inxenieru naval ya inventor.
• El so papel d’Adelantráu a Gobernador, y la buelga que dexó en La Florida.
• Espaciu de memoria, que recueye cómo foi tratada la so figura nel tiempu y les distintes iniciatives que reivindicaron la so trescendencia na hestoria d’España.

L’amuesa ta comisariada por Ramón Vega y Hugo Vázquez y cuenta cola collaboración d’instituciones de prestíu, como la Universidá de Stanford, la Universidá d’Uviéu, el Muséu Naval de Madrid, la Fundación Alvargonzález, Glencore, l’Autoridá Portuaria d’Avilés o la Institución Fernando’l Católicu.